Advertido erro na citada resolución, publicada no Diario Oficial de Galicia nº 33, do venres 15 de febreiro de 2013, páxina 4484, cómpre realizar a seguinte corrección:

Na segunda columna da cuarta fila da táboa que inclúe o anexo á resolución, en referencia ao importe total do convenio de cooperación entre a Administración xeral da Comunidade Autónoma de Galicia, a través da Consellería de Medio Ambiente, Territorio e Infraestruturas, o Instituto de Estudos do Territorio, a entidade pública empresarial Augas de Galicia e Endesa Generación, S.A. para a preparación e o impulso do plan territorial integrado da bacía hidrográfica do río Eume, onde di: «Sen importe», debe dicir: «300.000,00».