O Pleno da Corporación Municipal, en sesión ordinaria do 14 de xaneiro de 2013, adoptou o acordo que ten o seguinte contido literal:
«1. Aprobar o prego de condicións económico-administrativas que rexerá a licitación para a adxudicación de dereito de arrendamento de tres vivendas de protección oficial de titularidade municipal en Torneiros mediante procedemento aberto.
2. Aprobar o expediente de contratación e dispoñer a apertura do procedemento de adxudicación, convocando licitación mediante publicación no Diario Oficial de Galicia, Boletín Oficial da provincia, taboleiro de edictos do concello e demais formas de publicidade previstas no prego de condicións.
3. Rematado o prazo de presentación de ofertas, procederase a convocar a mesa de contratación para o exame das ofertas presentadas».
O que se fai público para o xeral coñecemento para que os interesados presenten as alegacións, reclamacións e suxestións que xulguen convenientes no prazo de trinta (30) días, en cumprimento do estipulado pola lexislación vixente.
O Porriño, 17 de xaneiro de 2013
José Nelson Santos Argibay
Alcalde