Rafael González Alió, secretario xudicial do Xulgado do Social número 1 de Lugo, fago saber que no procedemento de execución de títulos xudiciais 37/2012 deste xulgado do social, seguido por instancia de Raúl Díaz Rubio contra a empresa Ana Esterina Maschio Lewitzki, sobre ordinario, se ditou a seguinte resolución, cuxa parte dispositiva se xunta:

O embargo de bens propiedade da executada Ana Esterina Maschio Lewitzki, ata cubrir o importe da suma reclamada por importe de 2.097,32 euros de principal máis 216,10 de recarga de demora, 180 euros de multa, 416,12 euros de honorarios de letrado e 440 euros orzados para xuros e custas.

Embárgase o predio número 22.719: urbano, vivenda sita en planta baixa do portal número catro, sinalada coa letra C, baixo C. Sita nun edificio en construción na rúa das Pedreiras da vila de Vilalba. Ten unha superficie útil de noventa metros cadrados. Linda: fronte, corredor de acceso e patio de luces; dereita entrando, vivenda D da súa planta e portal; esquerda, edificio número 18, 20, 22 da rúa das Pedreiras, e fondo, zona común axardinada de lecer e recreo. Ten como anexos: a praza de garaxe número vinte e seis sita na planta de soto, duns dez metros cadrados e que linda: fronte, zona de acceso e manobra; dereita, desde a fronte praza vinte e sete; esquerda, praza vinte e cinco, e fondo, muro de peche do edificio; o cuarto rocho número tres sito na planta de soto de catro metros e oito decímetros cadrados e que linda, fronte, zona de acceso a rocho; dereita, desde a fronte, rocho número dous; esquerda, rocho número catro, e fondo, muro de peche. O edificio de que forma parte áchase acollido ao réxime de vivendas de protección oficial. Inscrita no folio 184 do tomo 442 e no folio 165 do tomo 465, figura na inscrición cuarta do predio 22719 do Rexistro da Propiedade de Vilalba.

E para que sirva de notificación en legal forma a Ana Esterina Maschio Lewitzki, en ignorado paradoiro, expido a presente para a súa inserción no Diario Oficial de Galicia.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

Lugo, 31 de xaneiro de 2013

O secretario xudicial