De conformidade co disposto no artigo 60 da Lei 30/1992, do 26 de novembro, de réxime xurídico das administracións públicas e do procedemento administrativo común, publícase a Resolución do 28 de xaneiro de 2013, ditada polo secretario xeral técnico da Consellería de Medio Ambiente, Territorio e Infraestruturas, por delegación do conselleiro (Orde do 15 de marzo de 2012; DOG do 23 de marzo), na cal se desestima o recurso de alzada número RA/U/2012/00073, interposto contra a desestimación, por silencio administrativo, da solicitude de autorización da Comunidade Autónoma en solo rústico, previa á concesión de licenza municipal, para explotación de cuarzo da concesión de explotación Karles nº 5519, cuxa parte dispositiva di:

«RESOLVO:

Desestimar o recurso de alzada número RA/U/2012/00073 interposto por José Luís Martínez Embil, en nome e representación da entidade mercantil Explotación de Rocas Industriales y Minerales, S.A. (ERIMSA), contra a desestimación, por silencio administrativo, da solicitude de autorización da Comunidade Autónoma en solo rústico previa á concesión de licenza municipal para explotación de cuarzo da concesión de explotación Karles nº 5519, nas parroquias de Xermar, Roás, Xustás, e Bexán ou Rubiños, no concello de Cospeito (T.E. LU 10-089) e, en consecuencia, denegar a solicitude de autorización instada.

Contra esta resolución, que é definitiva en vía administrativa, cabe recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, de conformidade co artigo 10.1.m) da Lei 29/1998, do 13 de xullo, reguladora da xurisdición contencioso-administrativa, no prazo de dous meses contados desde o día seguinte ao da súa notificación, conforme o disposto no artigo 46.1 da citada Lei 29/1998».

Tendo en conta que, en atención ao previsto no artigo 61 da Lei 30/1992, o acto non se publica na súa integridade, faise saber aos interesados que o texto íntegro da resolución que se notifica se atopa á súa disposición, durante o prazo de 10 días contados desde o seguinte ao da publicación desta cédula, na Secretaría Xeral Técnica da Consellería de Medio Ambiente, Territorio e Infraestruturas, situada nos edificios administrativos de San Caetano, en Santiago de Compostela.

O prazo de dous meses mencionado anteriormente contarase desde o día seguinte ao da finalización do prazo sinalado para o exame do expediente, ou da comparecencia para tal fin, se é o caso.

E para que conste e lles sirva de notificación aos interesados, asino e selo a presente cédula.

Santiago de Compostela, 8 de febreiro de 2013

José Antonio Fernández Vázquez
Secretario xeral técnico da Consellería de Medio Ambiente,
Territorio e Infraestruturas