Ás 11.30 horas do día 8 de marzo de 2013 celebrarase no salón de actos do Edificio Administrativo de Pontevedra situado na rúa Fernández Ladreda, nº 43, perante a mesa presidida polo subdirector xeral do Patrimonio, coa asistencia dun letrado da Asesoría Xurídica da Xunta de Galicia, un representante da Intervención Xeral da Comunidade Autónoma e un funcionario da Secretaría Xeral Técnica e do Patrimonio, que actuará como secretario, primeira, segunda e terceira poxa pública dos seguintes bens da Comunidade Autónoma de Galicia, dos que foi acordado o seu alleamento polas ordes da Consellería de Facenda do 22 de maio, do 25 de xuño, do 20 de novembro e do 28 de decembro de 2012.
1. Casa situada na praza do Teucro, nº 18, esquina rúa Real da cidade de Pontevedra, composta de semisoto, baixo e un piso duns 496 m2 segundo os datos da Dirección Xeral do Catastro, e 276 m2 de superficie construída segundo rexistro, que linda: fronte, praza do Teucro; dereita, herdeiros de Jaime Facorro Gantad; esquerda, rúa Real; fondo, predio da familia Magdalena García. Referencia catastral 9280503NG2998S0001GL.
Inscrita no Rexistro da Propiedade de Pontevedra nº 1 como predio nº 3.753, tomo 306, libro 98 e folio 120.
Cargas: sobre o baixo do inmoble existe un contrato de arrendamento asinado o día 18 de xuño de 2004, elevado a escritura pública o día 8 de novembro de 2004 e modificado o día 29 de marzo de 2005, cuxo prazo de duración rematará o día 18 de xuño de 2016.
Tipo de licitación primeira poxa: 850.350,41 euros.
Tipo de licitación segunda poxa: 722.797,85 euros.
Tipo de licitación terceira poxa: 595.245,29 euros.
2. Predio urbano. Local na planta baixa do edificio Palmeras situado no paseo de Cervantes, nº 4, de Pontevedra, destinado a usos comerciais e con fachada ao paseo de Cervantes, de 221,51 m2 de superficie construída con soportais anexos de 44,85 m2, que ten o seu acceso polos mencionados soportais situados ao oeste, polos denominados Xardíns de Vicenti. Linda: fronte ou oeste, Xardíns de Vicenti; dereita entrando ou sur, avenida Raíña Victoria; esquerda ou norte, portal de acceso ás oficinas e local nº 3; fondo ou leste, local nº 3.
Cota de participación: 5,23 por cento.
Inscrito no Rexistro da Propiedade nº 1 de Pontevedra como predio nº 77.595, no tomo 1.912, libro 1.061, folio 35, primeira inscrición. Referencia catastral: 9176301NG2997N0030SF.
Tipo de licitación primeira poxa: 123.632,87 euros.
Tipo de licitación segunda poxa: 105.087,94 euros.
Tipo de licitación terceira poxa: 86.543,01 euros.
3. Predio urbano. Local na planta baixa ás rúas Cervantes e Pastor Díaz, destinado a usos comerciais do edificio Palmeras, en Pontevedra, con fachada paseo de Cervantes, de 86,40 m2 de superficie construída, con soportais anexos de 39,95 m2, que ten o seu acceso polos mencionados soportais situados ao oeste, polos denominados Xardíns de Vicenti. Linda: fronte ou oeste, Xardíns de Vicenti; dereita entrando ou sur, portal de acceso a oficinas; esquerda ou norte, rúa Pastor Díaz; fondo ou leste, portal de acceso a vivendas e elementos comúns.
Cota de participación: 2,04 por cento.
Inscrito no Rexistro da Propiedade nº 1 de Pontevedra como predio nº 77.596, no tomo 1.912, libro 1.061, folio 37, primeira inscrición. Referencia catastral: 9176301NG2997N0031DG.
Tipo de licitación primeira poxa: 50.783,34 euros.
Tipo de licitación segunda poxa: 43.165,84 euros.
Tipo de licitación terceira poxa: 35.548,34 euros.
4. Local na entreplanta do edificio sinalado co nº 28 da avenida Doutor Tourón, concello de Vilagarcía de Arousa, cunha superficie útil de 121,21 m2, que segundo o rexistro da propiedade linda: dereita, Dalmira Penide Davila; esquerda, predio nº 16.301, descanso, caixa da escaleira e patio de luces; fronte, avenida Doutor Tourón e caixa da escaleira; e fondo, Irlanda Penide Dávila, descanso e caixa de escaleira. Referencia catastral: 9257810NH1195N0005BL. Inscrito no Rexistro da Propiedade de Vilagarcía de Arousa como predio nº 11.041, libro 298 e folio 105.
Tipo de licitación primeira poxa: 94.219,62 euros.
Tipo de licitación segunda poxa: 80.086,68 euros.
Tipo de licitación terceira poxa: 65.953,73 euros.
5. Soar denominado Campo da Marea, labradío sequeiro, situado no termo municipal da Estrada, cunha superficie aproximada de 163 m2, que linda: norte, en liña de dezaseis metros con corenta centímetros, máis terreo do mesmo vendedor; sur, en liña de dezaseis metros vinte centímetros, rúa en proxecto de sete metros de longo; leste, en liña de dez metros, rúa en proxecto de sete metros de longo; oeste, tamén en liña de dez metros, rúa en proxecto de once metros de longo. Inscrito no Rexistro da Propiedade da Estrada como predio nº 30.675, tomo 608, libro 493 e folio 197. Referencia catastral: 1263908NH4216S0001OE.
Tipo de licitación primeira poxa: 69.678 euros.
Tipo de licitación segunda poxa: 59.226,30 euros.
Ttipo de licitación terceira poxa: 48.774,60 euros.
6. Mesa de madeira tallada de 182×98×77 centímetros.
Mesa de madeira tallada e torneada de 162×100×80 centímetros.
Mesa de madeira tallada de 248×124×83 centímetros.
Cadeira de madeira e coiro de 109×57,50 centímetros (catro unidades).
Armario de madeira e vidro de 180×175×40 centímetros.
Máquina de escribir Olivetti Línea 98 e máquina calculadora.
Mesa de reunións de madeira de 455×132×80 centímetros.
Estantaría de madeira de 80×242×25 centímetros (tres unidades).
Tipo de licitación primeira poxa: 4.085 euros.
Tipo de licitación segunda poxa: 3.472,25 euros.
Tipo de licitación terceira poxa: 2.859,50 euros.
Para tomar parte na poxa é requisito indispensable consignar o 20 % da cantidade sinalada como tipo de licitación dos bens perante a mesa, ou acreditar que se depositou tal cantidade na Tesouraría Xeral da Xunta de Galicia á disposición da Secretaría Xeral Técnica e do Patrimonio.
Serán pola conta dos adxudicatarios os custos do anuncio, así como os orixinados pola adxudicación e formalización da venda; os demais gastos e impostos derivados da transmisión serán de aplicación conforme o disposto na lei.
Os pregos de condicións que rexen o presente alleamento están á disposición dos interesados na Subdirección Xeral do Patrimonio, rúa da Pastoriza, nº 8, 2º andar (Santiago de Compostela), así como na páxina web da Consellería de Facenda (http://www.conselleriadefacenda.es).
Para poder visitar os inmobles situados en Pontevedra e Vilagarcía de Arousa, e os mobles, deberase concertar cita previa. Teléfonos de información: 881 99 90 55/981 54 41 51.
Santiago de Compostela, 31 de xaneiro de 2013
María del Socorro Martín Hierro
Secretaria xeral técnica e do Patrimonio da Consellería de Facenda