Visto o expediente para outorgamento de autorización administrativa e de aprobación do proxecto de execución da instalación eléctrica que a seguir se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: LMTS subestación Santa Mariña - Cardosas - Penetración - Muralla.
Situación: concello de Ferrol.
Características técnicas:
Liña eléctrica de media tensión subterránea, a 20 kV, cunha lonxitude de 1,699 km, coa orixe na subestación de Santa Mariña (expediente 18352) e remate no CT Muralla (expediente 7306), unha vez que entre e saia dos CT Cardosas e o CT Penetración (expediente 30326) en condutor tipo RHZ1-2OL-12/20 kV, (1×240 Al) agás os primeiros 30 metros dentro da subestación onde o condutor RHZ1-2OL(s)-12/20 kV, (1×240 AL).
Cumpridos os trámites ordenados na Lei 54/1997, do 27 de novembro (BOE nº 285), do sector eléctrico, e no título VII, capítulo II do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución da devandita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.
Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio ao ambiente.
A instalación executarase nun prazo non superior a un ano, contado a partir da data desta resolución.
Contra esta resolución poderase interpor recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
A Coruña, 14 de xaneiro de 2013
Susana Vázquez Romero
Xefa territorial da Coruña
