O 27 de decembro de 2012, a conselleira de Sanidade ditou resolución pola que acordou inadmitir a trámite o recurso de súplica interposto por Rajib Ahmed contra a resolución recaída o 2 de outubro de 2012 pola que se inadmitía, por extemporáneo, o recurso de alzada interposto contra a resolución sancionadora recaída no expediente sancionador 2012008TA-PO, incoado por infracción en materia de tabaco.
Intentada a notificación desta resolución segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta cédula e ao amparo do disposto no número 5 do referido artigo, notifícaselle a Rajib Ahmed o contido da referida resolución que figura como anexo, para que poida ter coñecemento dela.
Así mesmo, fáiselle saber o dereito que o asiste para presentar recurso contencioso-administrativo perante o xulgado do contencioso-administrativo competente, segundo o disposto nos artigos 8 e 14 da Lei 29/1998, do 13 de xullo, reguladora da xurisdición contencioso-administrativa e no artigo 91 da Lei 6/1985, do 1 de xullo, do poder xudicial, no prazo de dous meses que se contarán desde o día seguinte ao da publicación desta cédula, de conformidade co artigo 46 da referida Lei 29/1998.
Esta cédula expídese para que conste e lle sirva de notificación ao interesado, en cumprimento do disposto no artigo 59.5 da Lei 30/1992, do 26 de novembro.
Santiago de Compostela, 23 de xaneiro de 2013
Antonio Fernández-Campa García-Bernardo
Secretario xeral técnico da Consellería de Sanidade
ANEXO
Número do expediente: 2012008TA-PO.
Denunciado: Rajib Ahmed, con DNI X7823833S, titular do establecemento Doner Kebap.
Último enderezo coñecido: rúa A Garda, núm. 8, baixo, 36940 Cangas (Pontevedra).
Feito imputado: infracción consistente en permitir fumar nos lugares en que existe prohibición de facelo.
Tipificación: infracción grave, de acordo co artigo 19.3.b) da Lei 28/2005, do 26 de decembro, de medidas sanitarias fronte ao tabaquismo e reguladora da venda, da submi-nistración, do consumo e da publicidade dos produtos do tabaco, modificada polo Real decreto lei 2/2006, do 10 de febreiro, e pola Lei 42/2010, do 30 de decembro.
Sanción imposta: seiscentos un euros (601 €).
Contido da resolución: inadmisión do recurso de súplica interposto por Rajib Ahmed.