Marta Yanguas del Valle, secretaria xudicial de reforzo do Xulgado do Social número 3 da Coruña, fago saber que no procedemento ordinario 16/2011 deste xulgado do social, seguido por instancia de Miriam González Diéguez contra a empresa Tabellarius, S.L., Mensajeros de Cesarelos, S.L., tendo sido chamado o Fondo de Garantía Salarial, sobre reclamación de cantidade, ditouse sentenza número 39/2013 cuxo encabezamento e ditame son do teor literal seguinte:
«Sentenza.
A Coruña, 11 de xaneiro de 2013
Ana Rodríguez Piorno, maxistrada xuíza do Xulgado do Social número 3 (reforzo) da Coruña, ditou a presente resolución nos autos de procedemento sobre reclamación de cantidade 16/2011, sendo demandante Miriam González Diéguez, representada pola letrada Sra. Pérez López, e demandada a empresa Tabellarius, S.L. e Mensajeros de Cesarelos, S.L., despois de ser citado, do mesmo xeito, o Fondo de Garantía Salarial (Fogasa), coa representación da letrada Sra. Abajo Lera.
E decido que debo estimar e estimo parcialmente a demanda interposta por Miriam González Diéguez contra as empresas Tabellarius, S.L. e Mensajeros de Cesarelos, S.L., e, en consecuencia, condeno as empresas demandadas a aboar a Miriam González Diéguez a cantidade de 1.463,95 euros que lle deben, cantidade que deberá incrementarse co xuro de demora do 10 %.
Non procede a condena do Fondo de Garantía Salarial nesta instancia, sen prexuízo da responsabilidade que se lle poida imputar con posterioridade.
Notifíquese a presente sentenza ás partes.
Contra esta resolución non cabe interpoñer recurso ningún.
Así o pronuncio, mando e asino».
E para que sirva de notificación ás empresas Tabellarius, S.L. e Mensajeros de Cesarelos, S.L., expídese a presente cédula para a súa publicación no Diario Oficial de Galicia e colocación no taboleiro de anuncios.
A Coruña, 17 de xaneiro de 2013
A secretaria xudicial