O Pleno da corporación, na sesión ordinaria que tivo lugar o día 27 de decembro de 2012, adoptou, entre outros, o seguinte acordo:
Aprobar definitivamente a modificación puntual do Plan parcial do solo urbanizable non programado número 22 (SUNP-22), no ámbito do quinteiro 16, Castro de Abaixo, segundo o documento presentado o día 12 de decembro de 2012, redactado polos arquitectos Álvaro Fernández Carballada e Beatriz Aneiros Filgueira.
O presente acordo notificaráselles aos interesados, publicarase no Diario Oficial de Galicia e no Boletín Oficial da provincia, no cal se inserirá a normativa urbanística aprobada, e comunicaráselle á Consellería de Medio Ambiente, Territorio e Infraestruturas, á cal se remitirán dous exemplares dilixenxiados do proxecto definitivamente aprobado.
O acto de aprobación definitiva da citada modificación puntual foi comunicado á Consellería de Medio Ambiente, Territorio e Infraestruturas con data 11 de xaneiro de 2013, en cumprimento do disposto polo artigo 92.3 da Lei 9/2002, do 30 de decembro, de ordenación urbanística e protección do medio rural de Galicia (LOUG).
Contra o acordo de aprobación definitiva poderase interpor directamente recurso contencioso-administrativo ante o Tribunal Superior de Xustiza de Galicia no prazo de dous meses, contados a partir do día seguinte ao da publicación deste anuncio.
Santiago de Compostela, 14 de xaneiro de 2013
Ángel Currás Fernández
Alcalde