Luis Iglesias Donsión (Neumáticos Luis, S.L.) solicitou licenza municipal para a actividade de substitución de placas de fibrocemento por panel sandwich, substitución de fiestras, pintado de nave e do chan antipó, conexión á rede municipal de saneamento a través de separador de graxas e aceites e declaración da situación legal de fóra de ordenación, así como da solicitude de cualificación ambiental de edificación destinada a taller de vehículos que se instalará en Lagartóns (estrada Chapa-O Carril, p.q. 19,65, predio rexistral nº 50.253). En cumprimento do disposto no artigo 8.3 do Decreto 133/2008, do 12 de xuño, polo que se regula a avaliación de incidencia ambiental, sométese a información pública por un período de vinte días hábiles, co fin de que durante este, que comezará a computarse desde o día seguinte ao da última inserción do presente edicto no Boletín Oficial da provincia e no Diario Oficial de Galicia, poidan examinar o expediente, no Departamento Municipal de Urbanismo, as persoas que dalgún xeito se consideren afectadas pola actividade que se pretende instalar e formular por escrito as reclamacións ou observacións que xulguen oportunas.
A Estrada, 27 de novembro de 2012
José C. López Campos
Alcalde presidente