Intentada a notificación por correo certificado aos titulares das empresas que se indican a continuación sen que fose posible, por medio desta cédula e de conformidade cos artigos 59.5 e 61 da Lei 30/1992, notifícaselles a resolución recaída nos expedientes sancionadores correspondentes. Fáiselles saber que no prazo dun mes, contado a partir do día seguinte ao da súa publicación no Diario Oficial de Galicia, poderán interpoñer recurso de alzada ante o director xeral de Traballo e Economía Social, e advírteselles que, de non ser interposto en tempo e forma, deberán aboar a multa, mediante a necesaria utilización do impreso, que poderán solicitar na propia Xefatura Territorial da Coruña. Noutro caso, procederase á exacción pola vía executiva nos termos previstos na disposición segunda da Orde da Consellería de Economía e Facenda do 23 de novembro de 2001 (DOG do 5 de decembro).
Expediente nº: RL 2012/431-1.
Acta inf. nº: I152012000110808.
Empresa: Don Vaquero Sport Wear, S.L.
NIF: B15443120.
Enderezo: polígono do Tambre, vía Copérnico, 9, 15890 Santiago de Compostela.
Materia: traballo (impagamento reiterado de salarios).
Normativa infrinxida: artigo 29 do Real decreto lexislativo 1/1995, do 24 de marzo.
Tipificación: artigo 8.1 do Real decreto lexislativo 5/2000, do 4 de agosto, de acordo cos artigos 39 e 40 do dito texto legal (falta moi grave en grao mínimo).
Data resolución: 12.12.2012.
Resolución: confirmar a acta de infracción e impoñer á empresa Don Vaquero Sport Wear, S.L. unha sanción por importe de seis mil douscentos cincuenta e un euros (6.251 euros).
A Coruña, 9 de xaneiro de 2013
Luis Alberto Álvarez Freijido
Xefe territorial da Coruña