En cumprimento do disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos nel, faise público que no correspondente servizo desta dirección xeral foron depositados a acta de constitución e os estatutos da Asociación Gallega de Empresarios de Papelería y Empresas Afines (AGEP), que ten os seguintes ámbitos:
Territorial: Comunidade Autónoma de Galicia.
Profesional: poderán pertencer á devandita asociación as empresas maioristas ou retallistas e empresas afíns con traballadores por conta allea que, ademais, conten maioritariamente con capital galego, teñan o seu domicilio social e fiscal e o seu centro opetarivo na Comunidade Autónoma de Galicia e se adscriban a ela, de conformidade co procedemento de admisión que se establece no artigo 7.
Asinan a acta de constitución: Juan Eliseo Gil Fernández en representación da entidade Carlingal, Julio Conde Domínguez en representación da entidade Redinor, e Ildefonso de Andrés Castro, en representación de Idea Papelería.
Santiago de Compostela, 9 de xaneiro de 2013
Odilo Martiñá Rodríguez
Director xeral de Traballo e Economía Social