O Concello Pleno, en sesión ordinaria do día 5 de decembro de 2012, acordou aprobar definitivamente o estudo de detalle do cuarteirón abranguido entre a rúa do Torno e o Paseo Marítimo e a avda. da Mariña en San Cibrao, facendo constar que o 14 de xaneiro de 2013, se remitiu a documentación establecida no artigo 92 da Lei 9/2002 á Consellería de Medio Ambiente, Territorio e Infraestruturas.

Este acordo pon fin á vía administrativa. Contra el pódese interpor recurso contencioso-administrativo, ante sala correspondente do Tribunal Superior de Xustiza de Galicia, no prazo de dous meses, contado a partir do día seguinte a aquel en que se realice a súa publicación no Diario Oficial de Galicia ou no Boletín Oficial da provincia, ou a súa notificación no caso do promotor, de conformidade co artigo 46 da Lei da Lei 29/1998, do 13 de xullo, da xurisdición contencioso-administrativa, sen prexuízo de calquera outro que se considere pertinente.

Cervo, 14 de xaneiro de 2013

Alfonso Villares Bermúdez
Alcalde