Isabel Freire Corzo, secretaria xudicial da Sección 5ª da Audiencia Provincial da Coruña, fago saber que na peza de apelación que se dirá recaeu sentenza o 30 de outubro de 2012, cuxo encabezamento e parte dispositiva son do teor literal seguinte:
«Na Coruña o trinta de outubro de dous mil doce.
No recurso de apelación civil número 715/2011, interposto contra a sentenza ditada polo Xulgado de Primeira Instancia número 8 da Coruña, en xuízo ordinario 1860/08, sobre reparación de defectos ou vicios de construción en inmoble en elementos comúns e privados, sendo a contía do procedemento indeterminada, seguido entre partes, como apelante Comunidade de Propietarios da rúa Conde de Andrade, 1-3, e Alcalde Domingo Sierra, 19-21, de Culleredo, representada polo procurador Sr. Rodríguez Siaba, como apelado Larcoruña, S.L., representado pola procuradora Sra. Neira López, e Carpintería de Aluminio J.F., S.L., declarada en rebeldía en primeira instancia. Foi relator Julio Tasende Calvo.
(Seguen antecedentes de feito e fundamentos xurídicos).
Revogando en parte a sentenza ditada polo Xulgado de Primeira Instancia número 8 da Coruña no xuízo ordinario 1860/08, debemos condenar e condenamos a demandada Larcoruña, S.L. a realizar as reparacións necesarias para arranxar as deficiencias apreciadas no garaxe, no relativo á inaccesibilidade de determinadas prazas, e na carpintaría exterior, así como as gretas e fisuras nos paramentos do edifico propiedade da comunidade demandante, de acordo co ditame emitido polo perito xudicial, mantendo en todo o demais o ditame apelado, sen facer especial imposición das custas procesuais causadas na presente instancia».
E para que conste e sirva para a inserción no Diario Oficial de Galicia (DOG) co obxecto de notificar ás partes declaradas en rebeldía Carpintaría de Aluminio J.F., S.L., expido e asino a presente. Dou fe.
A Coruña, 7 de novembro de 2012
A secretaria xudicial