Encarnación Mercedes Tubío Lariño, secretaria xudicial do Xulgado do Social número 4 da Coruña, dou fe e certifico que neste xulgado se seguen autos número 30/2011 por instancia de José Miguel Romero Formoso contra a empresa Cuadernas y Arcos, S.L., a Administración concursal de Cuadernas y Arcos, S.L. e a empresa Xestión e Desenvolvemento de Suelo Galego, S.L., sobre cantidade, nos cales se ditou sentenza o 11 de decembro de 2012 que, copiada nos particulares necesarios, di así:
«Ditame:
Estímase parcialmente a demanda interposta por José Miguel Romero Formoso fronte a Cuadernas y Arcos, S.L., a Administración concursal de Cuadernas y Arcos, S.L. e Xestión e Desenvolvemento de Suelo Galego, S.L. e, en consecuencia:
– Absólvese a Xestión e Desenvolvemento de Suelo Galego, S.L. das pretensións fronte a ela exercidas.
– Condénase a empresa Cuadernas y Arcos, S.L. a aboar ao demandante a cantidade de catorce mil seiscentos vinte e catro euros con setenta e sete céntimos de euro (14.624,77 euros).
Notifíquese a resolución ás partes.
Contra esta resolución cabe recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución, abondando a manifestación da parte ou do seu avogado, graduado social colexiado ou representante dentro do indicado prazo.
Se o recorrente non goza do beneficio de xustiza gratuíta deberá, ao tempo de anunciar o recurso, ter consignado a cantidade obxecto de condena, así como o depósito de 300 euros na conta de depósitos e consignacións que ten aberta este xulgado, facendo constar no ingreso o número de procedemento.
Así o acorda, manda e asina, Nicolás E. Pita Lloveres, maxistrado do Xulgado do Social número 4 da Coruña».
E para que conste, para os efectos da súa publicación no Diario Oficial de Galicia co fin de que sirva de notificación en forma á empresa Cuadernas y Arcos, S.L. e á empresa Xestión e Desenvolvemento de Suelo Galego, S.L. expido e asino a presente.
A Coruña, 19 de decembro de 2012
A secretaria xudicial
