Nas dependencias municipais do Concello de Arteixo asinouse con data do 30.11.2012 con Francisco Rodríguez Gestal o texto inicial do convenio urbanístico de execución de planeamento para a obtención de terreos de cara á apertura e urbanización de vías nas inmediacións do Centro Multiúsos de Pastoriza.

De acordo co establecido polo artigo 237.1 da Lei 9/2002, do 30 de decembro, de ordenación urbanística e protección do medio rural de Galicia, sométese o texto do convenio ao trámite de información pública por un período de vinte días mediante a publicación no Diario Oficial de Galicia e nun dos xornais de maior difusión na provincia.

Durante o dito período o texto do convenio subscrito estará á disposición do público en xeral, de luns a venres, das 9.00 ás 14.00 horas no Departamento de Urbanismo, e os sábados no Departamento de Información e Rexistro das 9.30 ás 13.30 horas.

Arteixo, 5 de decembro de 2012

P.D. (Decreto nº 989/2011, do 21 de xuño)
Luis Alberto Castro Calvete
Concelleiro de Urbanismo