Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica:

Solicitante: Unión Fenosa Distribución, S.A.

Domicilio social: A Batundeira, 2, 32960 Velle.

Denominación: LMT, CT e RBT Vilarnaz-2.

Situación: Coles.

Características técnicas: LMT subterránea a 20 kV, de 370 m, con condutor RHZ1 e orixe na LMT existente ao CT Vilarnaz e final no CT proxectado prefabricado Vilarnaz-2 de 160 kVA e R/T 20.000/400-230 V.

RBT aerosubterránea de 900 m en aéreo e 170 m en subterráneo con condutor RZ derivada do CT proxectado Vilarnaz-2.

Orzamento: 58.649,27 euros.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, Curros Enríquez, 1-4º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.

Ourense, 4 de decembro de 2012

Gabriel Diéguez Domínguez
Xefe territorial de Ourense