Mediante acordo adoptado polo Concello Pleno en sesión ordinaria realizada do 30 de novembro de 2012, procedeuse á aprobación inicial da modificación puntual das normas subsidiarias de planeamento para adecuar parte da normativa lexislación vixente, de acordo co documento de inicio redactado por Oficina de Arquitectura, Urbanismo & Planificación.
De conformidade co disposto na vixente redacción dos artigos 93.4 en relación co 85.2 da Lei 9/2002, do 30 de decembro, de ordenación urbanísica e protección do medio rural de Galicia, o referido acordo xunto coa modificación aprobada inicialmente con todos os documentos integrantes do expediente administrativo tramitado, sométese ao trámite de información pública durante o prazo de dous meses, contados a partir do día seguinte ao da última publicación do anuncio no Diario Oficial de Galicia, xornais La Voz de Galicia e El Progreso, para os efectos de que os interesados examinen o expediente e, de ser o caso, presenten as alegacións que consideren.
Sarria, 17 de decembro de 2012
P.D.
Francisco José Pérez González
Primeiro tenente de alcalde