Por Resolución reitoral do 24 de setembro de 2012 convócase a provisión, polo sistema de libre designación, de catro postos de traballo vacantes no cadro de persoal funcionario de administración e servizos da USC.
Finalizado o prazo para presentar solicitudes, de conformidade cos informes correspondentes segundo o artigo 54 do Real decreto 364/1995, do 10 de marzo, e tras comprobar que as persoas candidatas elixidas cumpren os requisitos e especificacións exixidos na convocatoria, o reitor, de acordo co disposto no artigo 87 dos estatutos da USC,
dispón:
Primeiro. Resolver a convocatoria para a provisión, polo sistema de libre designación, de catro postos de traballo vacantes no cadro de persoal funcionario de administración e servizos, anunciada por Resolución do 24 de setembro de 2012 (DOG nº 191, do 5 de outubro).
Segundo. Adxudicarlles destino, nos postos de traballo que se indican, ás persoas funcionarias que se relacionan no anexo desta resolución.
Terceiro. O destino adxudicado será irrenunciable, agás que antes de rematar o prazo de toma de posesión se obtivese outro destino mediante convocatoria pública. Neste caso, as persoas interesadas están obrigadas a comunicarllo á Reitoría da USC no prazo de tres días.
Cuarto. O prazo para tomar posesión do destino obtido será de tres días hábiles se non implica cambio de residencia da persoa funcionaria, ou dun mes se comporta cambio de residencia ou reingreso ao servizo activo. O prazo de toma de posesión empezará a contar a partir do día seguinte ao da publicación desta resolución no Diario Oficial de Galicia.
Contra a presente resolución, que esgota a vía administrativa, poderase interpoñer un recurso contencioso-administrativo ante o Xulgado do Contencioso-Administrativo de Santiago de Compostela, no prazo de dous meses contados desde o día seguinte ao da súa publicación, de conformidade co disposto na Lei 29/1998, do 13 de xullo, reguladora da xurisdición contencioso-administrativa.
Non obstante, as persoas interesadas poderán interpoñer un recurso potestativo de reposición no prazo dun mes perante o órgano que a ditou. Neste caso, non se poderá interpoñer o recurso contencioso-administrativo antedito mentres non recaia resolución expresa ou presunta do recurso administrativo de reposición, ao abeiro dos artigos 116 e seguintes da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
Santiago de Compostela, 11 de decembro de 2012
Juan José Casares Long
Reitor da Universidade de Santiago de Compostela
ANEXO
Denominación do posto: xefe da Área de Calidade e Mellora de Procedementos.
Número praza: PF000209.
Subgrupo: A1/A2.
Nivel: 28.
Complemento específico: 1.925,10 €.
Quenda: mañá.
Localidade: Santiago de Compostela.
Apelidos e nome: Villanueva Prieto, José Manuel.
DNI: 32430998-D.
Denominación do posto: secretaría de dirección da Vicerreitoría de Responsabilidade Social e Calidade.
Número praza: PF000283.
Subgrupo: C1/C2.
Nivel: 20.
Complemento específico: 502,49 €.
Quenda: mañá.
Localidade: Santiago de Compostela.
Apelidos e nome: Pérez Zaera, Mercedes.
DNI: 32675532-F.
Denominación do posto: secretaría de dirección da Vicerreitoría de Titulacións e Persoal Docente e Investigador.
Número praza: PF000290.
Subgrupo: C1/C2.
Nivel: 20.
Complemento específico: 502,49 €.
Quenda: mañá.
Localidade: Santiago de Compostela.
Apelidos e nome: Pacios Cancelo, Yolanda.
DNI: 33278847-D.
Denominación do posto: secretaría de dirección da Vicerreitoría de Relacións Exteriores e Internacionalización.
Número praza: PF000868.
Subgrupo: C1/C2.
Nivel: 20.
Complemento específico: 502,49 €.
Quenda: mañá.
Localidade: Santiago de Compostela.
Apelidos e nome: Castaño Cacheda, María Fe.
DNI: 76808644-Y
