O Pleno municipal, en sesión que tivo lugar o 3 de decembro de 2012, acordou:

«Primeiro. Aprobar definitivamente o documento do Plan especial de infraestruturas e dotacións de SGL Carbón, S.A. no polígono da Grela-Bens, da Coruña.

Segundo. Ordenar o cumprimento dos trámites administrativos recollidos nos artigos 92.2 e 92.3 da Lei 9/2002, do 30 de decembro, de ordenación urbanística e protección do medio rural de Galicia, co fin de procurar a entrada en vigor do documento.

Terceiro. Ordenar a dilixencia, co selo de aprobación definitiva polo Pleno municipal, dos exemplares do documento de Plan especial de infraestruturas e dotacións de SGL Carbón, S.A. no polígono da Grela-Bens da Coruña».

Este acordo pon fin á vía administrativa e poderase interpor contra el recurso contencioso-administrativo ante o Tribunal Superior de Xustiza de Galicia, no prazo de dous meses, contado a partir do día seguinte a aquel en que se practique a súa publicación no Diario Oficial de Galicia ou no Boletín Oficial da provincia, de conformidade co disposto no artigo 46 da Lei 29/1998, do 13 de xullo, da xurisdición contencioso-administrativa, sen prexuízo de calquera outro que estime pertinente.

A documentación exixida polo artigo 92.3 da Lei 9/2002, do 30 de decembro, de ordenación urbanística e protección do medio rural de Galicia, tivo entrada na Consellería de Medio Ambiente, Territorio e Infraestruturas, o día 17 de decembro de 2012.

Os gastos desta publicación serán por conta de SGL Carbón, S.A.

A Coruña, 17 de decembro de 2012

César de Jesús Otero Grille
Director de Urbanismo