O Pleno do Concello de Tomiño, en sesión ordinaria que tivo lugar o día 22 de novembro de 2012, aprobou definitivamente o plan especial para a determinación de aliñacións e rasantes na vía BAR-0311 no núcleo de Mosteiro, Barrantes.
O citado plan especial ter por obxecto completar o trazado da rede viaria no núcleo de Mosteiro na parroquia de Barrantes co trazado de aliñacións e rasantes na vía BAR-0311 e foi iniciado a instancia da totalidade dos propietarios dos predios servidos pola citada vía.
O acto de aprobación definitiva do mencionado plan especial foi comunicado á Consellería de Medio Ambiente, Territorio e Infraestruturas, con data do 30 de novembro, en aplicación do disposto no artigo 92.3, da Lei 9/2002, de ordenación urbanística e protección do medio rural de Galicia e, ao mesmo tempo, dáselle traslado dunha copia autenticada de dous exemplares, con todos os planos e documentos que integran o plan especial aprobado definitivamente, debidamente dilixenciados pola secretaria do concello. Igualmente, remítese o acordo da aprobación definitiva, xunto co documento que contén a normativa e ordenanzas reguladoras, se for o caso, para a súa publicación no BOP, en aplicación do disposto no artigo 92.2 da Lei 9/2002.
Contra o acordo de aprobación definitiva do plan especial poderase interpor directamente recurso contencioso-administrativo ante o Tribunal Superior de Xustiza de Galicia no prazo de dous meses, contados a partir do día seguinte á publicación deste anuncio.
De conformidade co artigo 59.4 da Lei 30/1992, do 26 de novembro, por medio deste anuncio notifícase o acordo que nel se contén a todos os propietarios que sexan descoñecidos, dos cales se ignore o lugar da notificación, ou ben cando, intentada esta, non se puidese practicar.
Tomiño, 30 de novembro de 2012
Sandra González Álvarez
Alcaldesa