Convocada a provisión, polo sistema de concurso de méritos, dun posto de xefatura de persoal de xestión e servizos, mediante Resolución do 23 de maio de 2012 (DOG nº 143, do 27 de xullo), esta xerencia, de conformidade co previsto no Decreto 206/2005, do 22 de xullo, de provisión de prazas de persoal estatutario do Servizo Galego de Saúde, e na Orde do 24 de maio de 2006 pola que se establecen as bases do procedemento para a provisión de postos de xefatura e coordinación das institucións sanitarias do Servizo Galego de Saúde,
ACORDA:
Primeiro. Resolver a convocatoria pública para a provisión dun posto de xefatura de persoal de xestión e servizos, anunciada por Resolución do 23 de maio de 2012 (DOG nº 143, do 27 de xullo).
Segundo. Seleccionar e nomear para o posto convocado a persoa que se indica no anexo desta resolución.
Terceiro. O aspirante nomeado deberá cesar na praza que desenvolve dentro dos tres días hábiles seguintes a aquel en que se publique esta resolución no Diario Oficial de Galicia.
Cuarto. A toma de posesión do posto de traballo adxudicado deberase efectuar dentro dos tres días hábiles seguintes ao do cesamento, se a praza desempeñada e o posto adxudicado son da mesma área de saúde, ou no prazo de quince días hábiles se son de distinta área de saúde. Para estes efectos, entenderase por praza desempeñada a efectivamente ocupada, con independencia de que sexa en condición de destino definitivo, adscrición ou destino provisional ou comisión de servizos.
Se así o permiten as necesidades do servizo, e por petición motivada do interesado, os prazos a que se refiren os parágrafos anteriores poderán ser prorrogados polo director xerente de Atención Primaria de Lugo.
Entenderase que solicita a excedencia voluntaria por interese particular e será declarado nesa situación polo órgano competente quen non se incorpore ao posto adxudicado no prazo establecido.
Quinto. Contra esta resolución poderase interpor recurso de alzada ante a Dirección de Recursos Humanos do Servizo Galego de Saúde, de acordo co disposto nos artigos 114 e 115 da Lei 30/1992,do 26 de novembro, de réxime xurídico das administracións públicas e do procedemento administrativo común, segundo a redacción dada pola Lei 4/1999, do 13 de xaneiro, e da Lei 25/2009, do 22 de decembro, dentro do prazo dun mes, contado a partir do día seguinte ao da publicación desta resolución.
Lugo, 13 de novembro de 2012
Ana Mª García Cedrón
Directora xerente de Atención Primaria de Lugo
ANEXO
Posto de traballo: xefe de grupo da Xerencia de Atención Primaria de Lugo.
Nome e apelidos: Roberto Carlos Vigo López.
DNI: 33334865-E.