O Pleno municipal, en sesión que tivo lugar o día 5 de novembro de 2012, adoptou, entre outros, o seguinte acordo:

«Primeiro. Aprobar o informe de alegacións do 11 de setembro de 2012 emitido polo xefe de Servizo de Planeamento e Xestión.

Segundo. Aprobar definitivamente o estudo de detalle para ordenación de volumes do Colexio de Fomento Peñarredonda.

Terceiro. Notificar o acordo de aprobación definitiva aos departamentos municipais de Xestión de Solo, Licenzas e Disciplina, Área de Infraestruturas, Sección de Patrimonio Urbanístico, aos interesados no expediente e ao promotor do estudo de detalle, a quen se refire, ademais, para que nun prazo de 10 días presente en soporte informático a documentación aprobada para a súa incorporación ao Sistema de información xeográfico municipal, e catro copias idénticas do documento aprobado definitivamente.

Cuarto. Ordenar o cumprimento dos trámites administrativos recollidos nos artigos 92.2 e 92.3 da Lei 9/2002, do 30 de decembro, de ordenación urbanística e protección do medio rural de Galicia, para a entrada en vigor do estudo de detalle, logo do cumprimento do requirimento efectuado ao promotor no número anterior».

Este acordo pon fin á vía administrativa. Pódese interpoñer, contra este, recurso contencioso-administrativo ante a sala correspondente do Tribunal Superior de Xustiza de Galicia, no prazo de dous meses, contado a partir do día seguinte a aquel en que se practique a súa publicación no Diario Oficial de Galicia ou no Boletín Oficial da provincia, ou a súa notificación no caso do promotor, de conformidade co artigo 46 da Lei 29/1998, do 13 de xullo, da xurisdición contencioso-administrativa, sen prexuízo de calquera outro que se considere pertinente.

A documentación exixida polo artigo 92.3 da Lei 9/2002, do 30 de decembro, de ordenación urbanística e protección do medio rural de Galicia, tivo entrada na Consellería de Medio Ambiente, Territorio e Infraestruturas, para os efectos da entrada en vigor do estudo de detalle para ordenación de volumes do Colexio de Fomento Peñarredonda, sito na rúa Ginebra, 3, o día 20 de novembro de 2012.

Os gastos desta publicación serán aboados polo promotor.

A Coruña, 20 de novembro de 2012

César de Jesús Otero Grille
Director de Urbanismo