Para os efectos previstos na Lei 54/1997, do 27 de novembro, e no Real decreto 1955/2000, do 1 de decembro, sométese a información pública a petición de autorización da instalación eléctrica que se cita:

Solicitante: Unión Fenosa Distribución, S.A.

Domicilio social: A Batundeira, 2, 32960 Velle (Ourense).

Denominación: LAT 132 kV Belesar-Os Peares (soterramento en subestación Belesar).

Situación: concello de Chantada.

Características técnicas:

– LAT soterrada a 132 kV con orixe en novos soportes colocados sobre pórtico existente, nos cales se realiza a transición de aérea a soterrada (4 metros), a liña discorre en canalización formigonada baixo tubo (9 metros) e polo foso de cables do parque blindado (21 metros) e remata na nova posición de liña.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, no prazo de vinte días.

Lugo, 30 de novembro de 2012

José Manuel Vázquez Leirado
Xefe territorial de Lugo