O Pleno da Corporación Municipal do Concello de Bueu, en sesión ordinaria que tivo lugar o día 4 de xuño de 2012, adoptou acordo de aprobación inicial da modificación puntual das normas subsidiarias municipais antes sinalada, co alcance e o contido recollido no documento do 11 de xullo de 2011.

De acordo co sinalado no artigo 85.2 da Lei de ordenación urbanística e protección do medio rural de Galicia, o documento sométese ao trámite de información pública durante o prazo de dous meses, mediante anuncio que se publicará no Diario Oficial de Galicia e en dous dos xornais de maior difusión da provincia: Diario de Pontevedra e Faro de Vigo.

Simultaneamente e durante o mesmo prazo damos audiencia aos concellos limítrofes para os efectos do sinalado no dito artigo.

Bueu, 26 de xullo de 2012

Félix Juncal Novas
Alcalde