A Xunta de Goberno local, na sesión ordinaria que tivo lugar o 25 de outubro de 2012, adoptou entre outros o seguinte acordo:

a) Aprobar inicialmente o estudo de detalle, presentado o 28 de setembro de 2012 por Inmobiliaria Leroy Merlín, S.L.U., no ámbito do quinteiro K do parque empresarial da Sionlla (parcelas K4C01A-K4C01B).

b) En aplicación do procedemento regulado polo artigo 86.2 da LOUG, o estudo de detalle inicialmente aprobado someterase a información pública durante o prazo de vinte días, con citación persoal dos propietarios das parcelas afectadas e anuncios que para o efecto se publicarán no Diario Oficial de Galicia e nun xornal dos de maior circulación na provincia.

Con carácter previo á aprobación definitiva, e en cumprimento do exixido polo artigo 74.c) da LOUG, haberá de acreditarse a titularidade da sociedade promotora sobre as parcelas obxecto de ordenación.

De conformidade co disposto no artigo 86.2 da Lei 9/2002, do 30 de decembro, de ordenación urbanística e protección do medio rural de Galicia, o citado expediente sométese a información pública polo prazo de vinte días, contado a partir do día seguinte ao da publicación deste anuncio no Diario Oficial de Galicia. Durante este prazo, os interesados poderán consultar o expediente no Servizo de Planeamento e Xestión e formular por escrito as alegacións que xulguen oportunas.

Santiago de Compostela, 5 de novembro de 2012

Ángel Currás Fernández
Alcalde