O Concello de Outes anuncia a exposición ao público do proxecto de ampliación do cemiteiro parroquial de San Xoán de Roo, no núcleo rural tradicional do lugar de Roo, que promove o Arcebispado de Santiago de Compostela, con suxeición ao proxecto técnico redactado pola arquitecta Sra. Sande Beiro. A ampliación consiste na construción de 43 novos panteóns con cadanseus tres nichos polo vento norte do actual recinto do cemiterio.

O proxecto exponse ao público coa finalidade de que as persoas ou entidades interesadas poidan presentar as suxestións e reclamacións que xulguen oportunas no prazo de 20 días hábiles contados desde que se publique este anuncio no taboleiro de edictos e na páxina dixital da corporación, no Boletín Oficial da provincia da Coruña, e no Diario Oficial de Galicia.

O expediente está ao dispor das persoas interesadas nas oficinas da Casa do Concello.

Outes, 12 de novembro de 2012

Carlos E. López Crespo
Alcalde