O Concello Pleno, na sesión extraordinaria do día 30 de novembro de 2012, acordou a aprobación inicial da modificación puntual das normas subsidiarias de planeamento municipal para creación de dotación D-1 aparcadoiro público e superficie no lugar da Baiuca.
O que se fai público para xeral coñecemento e efectos, advertíndose que en cumprimento do disposto no artigo 85 da Lei 9/2002, do 30 de decembro (na redacción da Lei 2/2010, do 25 de marzo) e no artigo 11 do Real decreto 2/2008, do 20 de xuño, polo que se aproba o texto refundido da Lei do solo, estará exposto ao público nas oficinas municipais, para os efectos de exame e presentación de reclamacións polo prazo de 2 meses, contado a partir do día seguinte ao da última publicación deste anuncio, ben no Diario Oficial de Galicia ou ben nos xornais El Progreso e La Voz de Galicia. Ao mesmo tempo darase audiencia aos concellos limítrofes e solicitaranse os informes sectoriais a que fai referencia o informe previo á aprobación inicial.
Do mesmo xeito e en cumprimento do disposto no artigo 77.2 da lei, o acordo de aprobación inicial determinará, por si só, a suspensión do procedemento do outorgamento de licenzas naqueles ámbitos do territorio obxecto da modificación do planeamento, xa que as novas determinacións supoñen a modificación da normativa urbanística vixente. O prazo de suspensión será, como máximo, de dous anos e, en calquera caso, extinguirase coa aprobación definitiva do planeamento. A área de supensión é a comprendida pola modificación do planeamento, denominada A Baiuca (fronte ao mercado gandeiro)
Friol, 3 de decembro de 2012
Antonio E. Muiña Pena
Alcalde