Ao abeiro da Instrución 2/2011, do 12 de abril, para a aplicación da disposición transitoria terceira da Lei 2/2010, do 25 de marzo, de medidas urxentes de modificación da Lei 9/2001, do 30 de decembro, de ordenación urbanística e protección do medio rural de Galicia, sobre edificacións sen licenza, tramítase a instancia de Caboservi, S.L. o recoñecemento definitivo da construción ou edificación dunha nave industrial coa actividade de mantemento e almacén de maquinaria de hostalaría, sita no lugar de Esmorode, parroquia de Alón, de acordo co anexo presentado, e cumprindo o disposto no artigo 8 do Decreto 133/2008, do 12 de xuño, no cal se regula a avaliación de incidencia ambiental, sométese a información pública por período de vinte (20) días hábiles, a fin de que durante ese tempo –que comezará a contarse desde o día seguinte ao da última inserción do presente edicto no Boletín Oficial da provincia ou no Diario Oficial de Galicia– poidan examinar o expediente na secretaría deste concello as persoas que dalgún xeito se consideren afectadas pola actividade que se pretende instalar, e formular por escrito as reclamacións ou observacións que consideren oportunas.

Santa Comba, 29 de outubro de 2012

Antonio Manuel Landeira Gallardo
Alcalde