O Pleno desta corporación, na sesión ordinaria que tivo lugar o día 27 de xullo de 2012, adoptou, entre outros, o seguinte acordo:
«39. Aceptar a ampliación das delegacións de competencias tributarias do Concello de Miño en materia de recadación voluntaria e executiva das sancións de tráfico.
Aceptar a ampliación das competencias delegadas en materia tributaria acordada polo Concello de Miño en relación coa seguinte materia:
• Recadación voluntaria e executiva das sancións impostas nos expedientes sancionadores polas denuncias cursadas polo Concello polas infraccións das normas sobre tráfico, circulación de vehículos de motor e seguridade viaria.
O exercicio das competencias delegadas obxecto de aceptación levarase a cabo nos termos establecidos nas bases para a prestación dos servizos tributarios aos concellos da provincia e terá efectos desde o día en que se publique este acordo no Boletín Oficial da provincia conforme co establecido no artigo 7 do texto refundido da Lei reguladora das facendas locais, aprobado polo Real decreto lexislativo 2/2004, do 5 de marzo».
O que se fai público para xeral coñecemento.
A Coruña, 5 de setembro de 2012
María Padín Fernández José Luis Almau Supervía
O presidente/PDFR 5.8.2011/ Secretario da Diputación
A vicepresidenta 2ª Provincial da Coruña