De conformidade co disposto na Lei orgánica 6/2001, do 21 de decembro (BOE do 24 de decembro), de universidades, modificada pola Lei orgánica 4/2007, do 12 de abril (BOE do 13 de abril), en diante LOU, e no Decreto 266/2002, do 6 de setembro (DOG do 17 de setembro), da Xunta de Galicia, sobre contratación de profesorado universitario, e a teor do establecido nos estatutos da Universidade de Vigo, aprobados polo Decreto 7/2010, do 14 de xaneiro (DOG do 2 de febreiro), da Xunta de Galicia, e no punto 1.1 do artigo 23 da Lei 2/2012, do 29 de xuño, de orzamentos xerais do Estado para o ano 2012 (BOE do 30 de xuño).
Esta reitoría, no uso das competencias recoñecidas pola LOU, resolveu convocar a concurso a/as praza/s que figura no anexo I da presente resolución, con suxeición ás seguintes
Bases da convocatoria
Primeira. Normas xerais
Este concurso rexerase pola LOU, polo Decreto 266/2002, a Lei 30/1992, do 26 de novembro, de réxime xurídico das administracións públicas e do procedemento administrativo común (en adiante Lei 30/1992), os estatutos da Universidade de Vigo, polo Regulamento de profesorado da Universidade de Vigo aprobado polo Consello de Goberno o 14 de xuño de 2005, e pola normativa reguladora dos concursos de acceso aos corpos docentes universitarios e do procedemento de selección de profesorado contratado doutor con vinculación permanente na Universidade de Vigo, aprobada polo Consello de Goberno o 8 de outubro de 2008.
Segunda. Requisitos das persoas candidatas
2.1. Para poder ser admitidas á realización destas probas selectivas, as persoas que sexan aspirantes deberán reunir os requisitos exixidos nesta base na data de finalización do prazo de presentación de solicitudes e mantelos ata a toma de posesión:
a) Ter nacionalidade española ou ser nacional dun Estado membro da Unión Europea ou nacional daqueles Estados, aos que, en virtude de tratados internacionais celebrados pola Unión Europea e ratificados por España, lles sexa de aplicación a libre circulación de traballadores e traballadoras nos termos establecidos na Lei 7/2007, do 12 de abril (BOE do 13 de abril).
Tamén poderán participar o cónxuxe, descendentes e descendentes do cónxuxe, das persoas con nacionalidade española e de quen sexa nacional doutros Estados membros da Unión Europea, sempre que non estean separados de dereito, menores de vinte e un anos ou maiores de dita idade que vivan ás súas expensas. Este último beneficio será igualmente de aplicación a familiares de nacionais doutros Estados cando así se prevexa nos tratados internacionais celebrados pola Unión Europea e ratificados por España.
Os nacionais de Estados distintos dos apuntados anteriormente poderán tamén participar nos concursos e ser contratados sempre que se atopen legalmente en España, dispoñendo do documento que lles habilite para residir e acceder sen limitacións ao mercado de traballo.
b) Ter cumpridos os dezaseis anos de idade e non exceder da idade máxima de xubilación forzosa.
c) Estar en posesión da titulación de doutor ou doutora. No caso de títulos obtidos no estranxeiro deberá achegarse credencial que acredite a súa homologación ou o seu recoñecemento para o exercicio como docente de universidade.
d) Acreditar a avaliación positiva pola Axencia Nacional de Avaliación da Calidade e Acreditación ou pola Axencia para a Calidade do Sistema Universitario de Galicia. Quen pertenza aos corpos docentes universitarios e as persoas candidatas que se atopen habilitadas ou acreditadas para estas resultarán admitidas nos termos e condicións establecidos na Resolución da Dirección Xeral de Universidades do 18 de febreiro de 2005 (BOE do 4 de marzo).
e) Ter aboado as taxas por dereitos de exame dentro do prazo de presentación de solicitudes.
f) Non ter sido separado do servizo, mediante expediente disciplinario, de calquera das Administracións públicas ou dos órganos constitucionais ou estatutarios das comunidades autónomas, nin atoparse en inhabilitación absoluta ou especial para empregos ou cargos públicos. As persoas aspirantes cuxa nacionalidade non sexa a española deberán acreditar non estaren inhabilitados ou en situación equivalente, nin estar sometidas a sanción disciplinaria ou equivalente que impida, no seu Estado, nos mesmos termos o acceso ao emprego público.
g) Posuír a capacidade funcional para o desempeño das tarefas correspondentes á praza.
Terceira. Solicitudes
3.1. As solicitudes para participar no concurso axustaranse ao modelo que figura como anexo II a esta convocatoria e dirixiranse ao reitor da Universidade de Vigo no prazo de vinte días naturais, contados a partir do día seguinte ao de publicación desta convocatoria no Diario Oficial de Galicia. Se o último día do prazo coincide con sábado ou día inhábil na universidade, entenderase prorrogado ao primeiro día hábil seguinte segundo o artigo 48 da Lei 30/1992.
3.2. As solicitudes presentaranse no Rexistro Xeral (Edificio Xerencia-Servizos Centrais, Campus Universitario, 36310 Vigo), ou nos rexistros auxiliares da Universidade de Vigo (Campus de Pontevedra, Campus de Ourense e r/ Torrecedeira, nº 86 de Vigo), ou de acordo coas restantes formas previstas en artigo 38 da Lei 30/1992. As solicitudes no estranxeiro deberán cursarse a través das representacións diplomáticas e consulares españolas correspondentes.
Os dereitos de exame para cada praza (referencia) serán de 40,74 euros e ingresaranse na conta corrente número 2080-0501-1231-1000-0112, Nova Galicia Banco. «Taxas». O pagamento realizarase directamente nas oficinas da citada entidade, utilizando exclusivamente o impreso de solicitude (anexo II). A entidade bancaria fará constar no xustificante o código CD1202, e a persoa interesada engadirá a referencia completa da praza na que desexa participar. No caso de pago mediante transferencia bancaria deberá constar obrigatoriamente o nome e apelidos da persoa interesada e a referencia da praza na que concursa. En ningún caso a mera presentación da solicitude e o pago na entidade bancaria suporán a substitución do trámite de presentación en tempo e forma da solicitude ante o órgano expresado na base 3.1.
Segundo o disposto no artigo 23 da Lei 6/2003, do 9 de decembro, de taxas, prezos e exaccións da Comunidade Autónoma de Galicia, estarán exentas do pagamento as persoas con discapacidade igual ou superior ao 33 % e os membros de familias numerosas clasificadas na categoría especial. Aplicarase unha bonificación do 50 % na taxa de inscrición aos membros de familias numerosas de categoría xeral. Nos tres supostos será necesario que coa solicitude presenten as respectivas certificacións que o acrediten.
Así mesmo, terán unha bonificación do 50 % da taxa as persoas que figurasen como demandantes de emprego desde, polo menos, os seis meses anteriores á data de publicación da presente convocatoria e non estean a percibir prestación ou subsidio por desemprego, aspectos que deberán ser certificados pola oficina dos servizos públicos de emprego.
Os dereitos de exame serán reintegrados de oficio as persoas que sexan aspirantes cando as probas non se realicen, sempre que cubrisen os datos bancarios necesarios para facer a devolución.
3.3. Coa instancia achegaranse necesariamente os seguintes documentos, sendo causa de exclusión a falta dalgún deles:
a) Fotocopia simple do documento nacional de identidade. Quen sexa aspirante, non posúa a nacionalidade española e teña dereito a participar deberá presentar fotocopia do documento que acredite a súa nacionalidade e, de ser o caso, os documentos que acrediten o vínculo de parentesco e o feito de vivir a expensas ou estar a cargo de quen sexa nacional doutro Estado co que teñan o dito vínculo. Así mesmo, deberán presentar declaración xurada ou promesa de non estar separados de dereito do seu cónxuxe e, se é o caso, do feito de que vive ás súas expensas ou está ao seu cargo.
b) Fotocopia compulsada do título de doutor ou doutora. Cando corresponda, deberá acompañarse da credencial de homologación ou recoñecemento profesional.
c) Fotocopia compulsada da credencial da avaliación positiva da súa actividade docente e investigadora expedida pola axencia ou órgano de avaliación competente. A persoa que sexa funcionaria dos corpos docentes universitarios deberá presentar certificación de servizos prestados acreditativa de tal condición e as persoas candidatas que se atopen habilitadas copia da credencial que o acredite.
d) No suposto de ser docente dunha praza de igual categoría, folla de servizos orixinal que acredite o seu desempeño.
e) Xustificante do pagamento de taxas de exame.
3.4. Os erros de feito que se puidesen advertir, poderán emendarse en calquera momento, de oficio ou por petición da persoa interesada. Quen sexa aspirante queda vinculado aos datos que fixese constar nas súas solicitudes, podendo unicamente demandar a súa modificación mediante escrito motivado, dentro do prazo establecido na base 3.1. para a presentación de solicitudes. Transcorrido este prazo non se admitirá ningunha petición desta natureza, excepto causa excepcional sobrevida, xustificada e discrecionalmente apreciada pola Universidade.
Cuarta. Admisión de aspirantes
4.1. No prazo máximo de 15 días hábiles dende o remate do prazo de presentación de solicitudes, o reitor da Universidade de Vigo ditará unha resolución aprobando a relación provisional de persoas admitidas e excluídas, con indicación das causas de exclusión, que será publicada no taboleiro de anuncios do Rexistro Xeral da Universidade de Vigo, que servirá de notificación para todos os efectos, e a título divulgativo nos taboleiros de anuncios dos rexistros auxiliares e no enderezo da internet: http://persoal.uvigo.es/persoal_gl/PDI/emprego/, punto Convocatorias concursos de acceso.
4.2. Contra a dita resolución, as persoas interesadas poderán presentar reclamación ante o reitor, no prazo de dez días hábiles contados desde o día seguinte ao da súa publicación. Resoltas as ditas reclamacións publicarase nos mesmos lugares a relación definitiva de persoas admitidas e excluídas.
Quinta. Comisión de acceso
5.1. As comisións de acceso deberán procurar unha composición equilibrada entre mulleres e homes, salvo cando non sexa posible por razóns fundadas e obxectivas, debidamente motivadas. De acordo co que establece o artigo 83 dos estatutos da Universidade de Vigo, a composición das comisións é a que figura no anexo III desta convocatoria e terá a categoría primeira das recollidas no artigo 30 do Real decreto 462/2002, do 24 de maio, sobre indemnizacións por razón do servizo.
Salvo petición da presidencia noutro sentido e debidamente autorizada, cada comisión terá a súa sede e actuará no centro no que teña a súa sede o departamento ao que se adscriba cada unha das prazas convocadas.
5.2. O nomeamento como membro dunha comisión é irrenunciable, salvo cando concorra causa xustificada, debidamente alegada pola persoa interesada e así apreciada por esta reitoría. Os membros da comisión deberán absterse de actuar e poderán ser recusados nos casos e polos motivos previstos no artigo 28 da Lei 30/1992. Resolta a renuncia, a abstención ou a recusación, as persoas afectadas serán substituídas polos respectivos suplentes e, no seu defecto, por orde correlativa e en último caso resolverá o reitor.
5.3. A comisión deberá constituírse no prazo dun mes desde a publicación da relación definitiva de persoas admitidas e excluídas. Transcorrido o prazo sen que se constituíse, o reitor procederá á substitución da persoa que exerza a presidencia titular.
5.4. A constitución de cada comisión exixirá a asistencia de cinco dos seus membros, titulares ou suplentes, se é o caso. A presidencia, unha vez realizadas as consultas pertinentes cos restantes membros, convocará a quen sexa membro titular e, de se-lo caso, suplente, cunha antelación mínima de dez días hábiles, fixando lugar, data e hora para proceder ao acto de constitución da comisión. Os membros titulares serán substituídos polos seus respectivos suplentes, en primeiro lugar, ou por orde correlativa.
No acto de constitución a comisión establecerá os criterios de valoración do concurso adecuados ao perfil da praza e os fará públicos antes do acto de presentación dos candidatos e candidatas.
5.5. Unha vez constituída a comisión, en caso de ausencia da persoa que exerza a presidencia será substituída polo catedrático ou catedrática de universidade con maior antigüidade que teña recoñecidos, polo menos, dous tramos de investigación.
5.6. Para que a comisión poida actuar validamente requirirase a asistencia de, cando menos, tres dos seus membros entre os que figurarán obrigatoriamente as persoas que ocupen a presidencia e a secretaría. Os membros da comisión que estivesen ausentes da proba cesarán en tal condición, sen prexuízo das responsabilidades en que puidesen ter incorrido. Á secretaría de cada comisión corresponderalle as actuacións administrativas e a xestión económica propias da comisión, auxiliado polo persoal de administración e servizos do centro no que teña a súa sede.
5.7. Durante o desenvolvemento do concurso, a comisión resolverá as dúbidas que puidesen xurdir na aplicación destas normas, así como o que proceda nos casos non previstos nelas. En todo momento a súa actuación axustarase ao disposto na Lei 30/1992.
Sexta. Acto de presentación e proba
6.1. A presidencia da comisión convocará a quen participe no concurso ao acto de presentación cunha antelación mínima de dez días hábiles, indicando lugar e hora para realizar o acto de presentación.
6.2. No acto de presentación que será público, cada concursante entregará:
a) O currículum vitae por sextuplicado, que deberá axustarse ao modelo que se achega como anexo IV, no que detallarán os seus méritos, historial académico docente e investigador.
b) O seu proxecto docente e investigador adecuado ao perfil do concurso, tamén por sextuplicado.
c) Un exemplar das publicacións e dos documentos acreditativos do consignado no currículum, con independencia de que a comisión poida solicitar documentación complementaria acreditativa orixinal ou compulsada.
6.3. No acto de presentación determinarase, mediante sorteo, a orde de actuación das persoas candidatas, e a comisión fixará e publicará o lugar, data e hora de comezo da proba, a cal deberá iniciarse no prazo máximo de dez días hábiles, contados desde o seguinte ao acto de presentación. Este prazo poderá ser renunciable por escrito polas persoas concursantes. Igualmente, a comisión fixará o prazo durante o que poderán examinar a documentación presentada polas restantes persoas que concursen.
6.4. A comisión valorará exclusivamente os méritos que, sendo alegados por quen sexa aspirante no currículum vitae, estean debidamente xustificados e sempre referidos á data de finalización do prazo de presentación de solicitudes.
6.5. Os concursos realizaranse nas dependencias da Universidade de Vigo. Constarán dunha única proba que será pública e que consistirá na exposición oral, durante un tempo mínimo de trinta minutos e máximo de dúas horas, dos méritos e historial académico docente e investigador, así como do proxecto docente e investigador presentado. A continuación, a comisión debaterá co candidato ou candidata durante un tempo máximo de dúas horas sobre os seus méritos, o seu proxecto docente e investigador e a adecuación destes ao perfil da praza obxecto do concurso.
6.6. Finalizada a proba, cada membro da comisión entregaralle a presidencia un informe razoado, axustado aos criterios previamente fixados de cada un das persoas que concursen, con expresión explícita de voto favorable ou desfavorable.
6.7. Para superar a proba é necesario obter, polo menos, tres votos favorables dos membros da comisión. De non acadar ningunha candidatura polo menos tres votos favorables, o proceso poderá concluír coa proposta de non provisión, que deberá ser suficientemente motivada.
6.8. A proposta de provisión de prazas realizarase con base nos votos favorables recibidos dos membros da comisión. En caso de empate recorrerase á votación, sen que sexa posible a abstención. De persistir o empate, dirimirá o voto da presidencia.
Sétima. Proposta, presentación de documentos e formalización de contratos
7.1. A comisión elevará ao reitor, motivadamente e con carácter vinculante, a relación de todas as persoas que superaren a proba por orde de preferencia. A comisión poderá propor a non provisión da praza xustificando esta decisión. Este acordo publicarase no centro onde se celebre a proba e servirá de notificación ás persoas interesadas para todos os efectos.
7.2. No prazo dos tres días hábiles seguintes ao de finalización da súa actuación, a secretaría da comisión entregará no Servizo de Persoal Docente e Investigador da Universidade de Vigo a documentación completa relativa ás súas actuacións e un exemplar da documentación presentada por cada persoa que concursase.
7.3. As persoas propostas para a provisión das prazas deberán presentar no prazo dos vinte días naturais seguintes ao de publicación da proposta da comisión no lugar de celebración da proba, nos lugares e conforme o procedemento previsto na base 3.2., os seguintes documentos:
a) Declaración de non incorrer en incompatibilidade, segundo o establecido na Lei 53/1984, do 26 de setembro (BOE do 4 de xaneiro de 1985).
b) Declaración xurada ou promesa de non estar en separación de servizo de ningunha Administración pública ou dos órganos constitucionais ou estatutarios das comunidades autónomas, nin atoparse en inhabilitación absoluta ou especial para empregos ou cargos públicos, en virtude de expediente disciplinario para o exercicio das funcións docentes e asistenciais.
Quen concurse e non desempeñen a nacionalidade española deberán acreditar non estar baixo sanción disciplinaria ou condena penal que impidan, no seu Estado, o acceso á función pública segundo o establecido na Lei 7/2007, do 12 de abril (BOE do 13 de abril).
c) Certificado médico oficial de non padecer enfermidade nin defecto físico ou psíquico que o incapacite para o desempeño das funcións correspondentes a docente de universidade.
Quen teña a condición de funcionario de carreira estará exento de xustificar e presentar os documentos dos puntos «b» e «c», tendo que presentar certificado (folla de servizos prestados) da universidade ou organismo do que dependan que acredite a súa condición e das circunstancias que consten na folla de servizos. De acordo coa base 3.3 d), non será necesario o dito certificado cando xa se tivera achegado coa solicitude de participación.
7.4. O reitor da Universidade de Vigo efectuará o nomeamento como profesor contratado doutor ou como profesora contratada doutora das persoas propostas pola comisión nun número delas que non exceda o número de prazas convocadas a concurso, unha vez que acrediten en prazo a documentación requirida; de non facelo, o reitor procederá, se é o caso, ao nomeamento da seguinte persoa na orde proposta.
7.5. O nomeamento especificará a denominación da praza, categoría e área de coñecemento, e remitirase para a súa publicación ao Diario Oficial de Galicia.
7.6. No prazo máximo de vinte días hábiles, contados desde o seguinte ao da publicación do nomeamento no Diario Oficial de Galicia, formalizarase a contratación da persoa proposta. A sinatura do contrato ten carácter persoal e intransferible. No caso de que non asine no prazo sinalado sen autorización expresa, considerarase que renuncia á praza e poderase proceder ao nomeamento da seguinte persoa na orde prevista na base 7.1.
7.7. O contrato terá duración indefinida e a xornada de traballo será a fixada con carácter xeral para os corpos docentes universitarios. O período de proba será de 6 meses, considerándose superado sempre que non conste obxección expresa contraria dentro dese prazo.
7.8. As referencias a necesidades e obrigacións docentes e ao centro de adscrición que poida conter a convocatoria non suporán para quen teña adxudicada a praza dereito de vinculación exclusiva a tal actividade docente e destino.
7.9. O contrato estará suxeito á Lei 53/1984, do 26 de decembro, de incompatibilidades do persoal ao servizo das administracións públicas. O seu incumprimento será causa de extinción do contrato.
Oitava. Comisión de reclamacións
8.1. Contra a proposta da comisión, as persoas admitidas no concurso poderán presentar reclamación ante o reitor da Universidade de Vigo, no prazo máximo de dez días hábiles, contados desde o seguinte ao da súa publicación no lugar de celebración da proba. Admitida a trámite a reclamación, suspenderase o nomeamento ata a súa resolución definitiva.
8.2. As reclamacións que se presenten anunciaranse no taboleiro de anuncios do rexistro xeral da Universidade de Vigo, publicación que servirá de notificación para todos os efectos. As persoas interesadas disporán dun prazo de 10 días naturais para formular alegacións en orde ao contido da reclamación.
8.3. As reclamacións serán valoradas pola Comisión de Reclamacións da Universidade de Vigo que examinará o expediente relativo ao concurso, valorará os aspectos puramente procedimentais, e verificará o efectivo respecto, por parte da Comisión de Selección, da igualdade de condicións dos candidatos e candidatas e dos principios de mérito e de capacidade destes no procedemento do concurso de acceso. Resolverá no prazo máximo de tres meses, ratificando ou non a proposta reclamada. Neste último caso, retrotraerase o expediente ata o momento en que se produciu o vicio, debendo a Comisión de Selección formular nova proposta, tras o que o reitor ditará a resolución de acordo coa proposta da Comisión de Reclamacións.
8.4. As resolucións do reitor a que se refire o punto anterior deste artigo esgotan a vía administrativa e serán impugnables directamente ante a xurisdición contencioso-administrativa, de acordo co establecido na Lei 29/1998, do 13 de xullo, reguladora da xurisdición contencioso-administrativa.
Novena. Devolución de documentación
A documentación presentada no concurso deberá ser retirada exclusivamente no Servizo de Persoal docente e investigador pola persoa interesada dentro do prazo de tres meses contados desde a finalización do procedemento, ou, se é o caso, desde que a resolución impugnada adquira firmeza. A documentación que non fose retirada no dito prazo será destruída.
Décima. Protección de datos
De conformidade co disposto na Lei orgánica 15/1999, de proteción de datos de carácter persoal (BOE nº 298, do 14 de decembro), os datos facilitados por quen sexa aspirante, pasarán a formar parte do ficheiro de persoal, cuxa finalidade é a xestión do persoal da Universidade de Vigo, xestión da docencia e investigación, xestión da participación do persoal nos servizos e actos administrativos, así como a xestión da participación dos candidatos e candidatas nos procesos de selección. Os datos contidos neste arquivo poderán ser tratados con fines históricos, estatísticos ou científicos.
Décimo primeira. Norma derradeira
11.1 O tempo transcorrido entre a publicación desta convocatoria e a resolución do concurso non poderá exceder dos catro meses. Para estes efectos o mes de agosto considerarase inhábil.
11.2 Contra esta resolución, que esgota a vía administrativa, poderase interpor recurso ante a xurisdición contencioso-administrativa, no prazo de dous meses contados desde o día seguinte ao da súa publicación no Diario Oficial de Galicia, de conformidade co disposto na Lei 29/1998, do 13 de xullo, reguladora da xurisdición contencioso-administrativa. Potestativamente, poderase interpor recurso de reposición ante o reitor, no prazo dun mes contado a partir do día seguinte ao da devandita publicación, de acordo co disposto na Lei 30/1992, do 26 de novembro, de réxime xurídico das administracións públicas e do procedemento administrativo común.
Vigo, 12 de novembro de 2012
Salustiano Mato de la Iglesia
Reitor da Universidade de Vigo
ANEXO I
Relación de prazas convocadas
1
Código: |
CD1202-C01-027-CD-01 |
Nº de prazas: |
1 |
Categoría: |
Profesorado contratado doutor |
Área de coñecemento: |
A-027 Anatomía e embrioloxía humanas |
Departamento: |
C01 Bioloxía Funcional e Ciencias da Saúde |
Actividade docente e investigadora: |
Anatomía e embrioloxía humana |
Centro de traballo: |
205 Facultade de Fisioterapia |
2
Código: |
CD1202-C01-410-CD-01 |
Nº de prazas: |
1 |
Categoría: |
Profesorado contratado doutor |
Área de coñecemento: |
A-410 Fisioloxía |
Departamento: |
C01 Bioloxía Funcional e Ciencias da Saúde |
Actividade docente e investigadora: |
Fisioloxía humana. Bioquímica e biofísica. |
Centro de traballo: |
302 Facultade de Bioloxía-Vigo |
3
Código: |
CD1202-C02-412-CD-01 |
Nº de prazas: |
1 |
Categoría: |
Profesorado contratado doutor |
Área de coñecemento: |
A-412 Fisioloxía vexetal |
Departamento: |
C02 Bioloxía Vexetal e Ciencias do Solo |
Actividade docente e investigadora: |
Fisioloxía vexetal ambiental. Fisioloxía de organismos mariños. Diversidade vexetal de tipos funcionais: adaptacións ecofisiolóxicas ó estrés. |
Centro de traballo: |
302 Facultade de Bioloxía-Vigo |
4
Código: |
CD1202-C02-412-CD-02 |
Nº de prazas: |
1 |
Categoría: |
Profesorado contratado doutor |
Área de coñecemento: |
A-412 Fisioloxía vexetal |
Departamento: |
C02 Bioloxía Vexetal e Ciencias do Solo |
Actividade docente e investigadora: |
Fisioloxía vexetal. Interacción do cambio climático co metabolismo secundario vexetal. |
Centro de traballo: |
302 Facultade de Bioloxía-Vigo |
5
Código: |
CD1202-C04-220-CD-01 |
Nº de prazas: |
1 |
Categoría: |
Profesorado contratado doutor |
Área de coñecemento: |
A-220 Ecoloxía |
Departamento: |
C04 Ecoloxía e Bioloxía Animal |
Actividade docente e investigadora: |
Ecoloxía mariña |
Centro de traballo: |
310 Facultade de Ciencias do Mar-Vigo |
6
Código: |
CD1202-C04-220-CD-02 |
Nº de prazas: |
1 |
Categoría: |
Profesorado contratado doutor |
Área de coñecemento: |
A-220 Ecoloxía |
Departamento: |
C04 Ecoloxía e Bioloxía Animal |
Actividade docente e investigadora: |
Ecoloxía mariña |
Centro de traballo: |
310 Facultade de Ciencias do Mar-Vigo |
7
Código: |
CD1202-C07-640-CD-01 |
Nº de prazas: |
1 |
Categoría: |
Profesorado contratado doutor |
Área de coñecemento: |
A-640 Nutrición e bromatoloxía |
Departamento: |
C07 Química Analítica e Alimentaria |
Actividade docente e investigadora: |
Materias da área |
Centro de traballo: |
101 Facultade de Ciencias-Ourense |
8
Código: |
CD1202-H09-185-CD-01 |
Nº de prazas: |
1 |
Categoría: |
Profesorado contratado doutor |
Área de coñecemento: |
A-185 Debuxo |
Departamento: |
H09 Debuxo |
Actividade docente e investigadora: |
Técnicas gráficas |
Centro de traballo: |
201 Facultade de Belas Artes-Pontevedra |
9
Código: |
CD1202-X06-225-CD-01 |
Nº de prazas: |
1 |
Categoría: |
Profesorado contratado doutor |
Área de coñecemento: |
A-225 Economía aplicada |
Departamento: |
X06 Economía Aplicada |
Actividade docente e investigadora: |
Economía aplicada |
Centro de traballo: |
303 Fac. CC. Económicas e Empresariais-Vigo |
10
Código: |
CD1202-X06-225-CD-02 |
Nº de prazas: |
1 |
Categoría: |
Profesorado contratado doutor |
Área de coñecemento: |
A-225 Economía aplicada |
Departamento: |
X06 Economía Aplicada |
Actividade docente e investigadora: |
Economía aplicada |
Centro de traballo: |
204 Fac. CC. Sociais e da Comunicación-Pontevedra |
11
Código: |
CD1202-X08-415-CD-01 |
Nº de prazas: |
1 |
Categoría: |
Profesorado contratado doutor |
Área de coñecemento: |
A-415 Fundamentos da análise económica |
Departamento: |
X08 Fundamentos da Análise Económica e Historia e Institucións Económicas |
Actividade docente e investigadora: |
Microeconomía |
Centro de traballo: |
303 Fac. CC. Económicas e Empresariais-Vigo |
ANEXO III
Comisións de selección
Praza: CD1202-C01-027-CD-01
(1)
Cargo |
Nome |
Corpo |
Universidade |
Comisión titular |
|||
Presidencia |
José Luis Labandeira García |
Catedrático de universidade |
Santiago de Compostela |
Secretaría |
José Manuel García Estévez |
Profesor titular de universidade |
Vigo |
Vogalía primeira |
Jannette Rodríguez Pallares |
Profesora titular de universidade |
Santiago de Compostela |
Vogalía segunda |
María Pilar Aroca Tejedor |
Profesora titular de universidade |
Murcia |
Vogalía terceira |
Cristina Arias Fernández |
Catedráticoa de universidade |
Vigo |
Comisión suplente |
|||
Presidencia |
Federico Mallo Ferrer |
Catedrático de universidade |
Vigo |
Secretaría |
José Luis Soengas Fernández |
Catedrático de universidade |
Vigo |
Vogalía primeira |
Ana María Muñoz Patiño |
Profesora contratada doutora |
Santiago de Compostela |
Vogalía segunda |
María Josefa Natividad Guerra Seijas |
Catedrática de universidade |
Santiago de Compostela |
Vogalía terceira |
Miguel Enrique del Valle Soto |
Catedrático de universidade |
Oviedo |
Praza: CD1202-C01-410-CD-01
(2)
Cargo |
Nome |
Corpo |
Universidade |
Comisión titular |
|||
Presidencia |
Manuel Alejo Aldegunde Villar |
Catedrático de universidade |
Santiago de Compostela |
Secretaría |
Miguel Alfonso Pallares |
Profesor titular de universidade |
Vigo |
Vogalía primeira |
María Eugenia Muñoz Bermejo |
Catedrática de universidade |
Salamanca |
Vogalía segunda |
María Isabel Míguez Besada |
Profesora titular de universidade |
Santiago de Compostela |
Vogalía terceira |
Encarnación de Miguel Villegas |
Profesora titular de universidade |
Vigo |
Comisión suplente |
|||
Presidencia |
José Luis Soengas Fernández |
Catedrático de universidade |
Vigo |
Secretaría |
Jesús Manuel Míguez Miramontes |
Profesor titular de universidade |
Vigo |
Vogalía primeira |
Consuelo Borrás Blasco |
Profesora titular de universidade |
Valencia |
Vogalía segunda |
Antonio Alberola Aguilar |
Catedrático de universidade |
Valencia |
Vogalía terceira |
Carmen Sieiro Vázquez |
Profesora titular de universidade |
Vigo |
Praza: CD1202-C02-412-CD-01
(3)
Cargo |
Nome |
Corpo |
Universidade |
Comisión titular |
|||
Presidencia |
Carmen Lluch Plá |
Catedrática de universidade |
Granada |
Secretaría |
Manuel Joaquín Reigosa Roger |
Profesor titular de universidade |
Vigo |
Vogalía primeira |
Luis González Rodríguez |
Profesor titular de universidade |
Vigo |
Vogalía segunda |
Vanessa Martos Núñez |
Profesora titular de universidade |
Granada |
Vogalía terceira |
Pedro Piedras Montilla |
Profesor titular de universidade |
Córdoba |
Comisión suplente |
|||
Presidencia |
Manuel Pineda Priego |
Catedrático de universidade |
Córdoba |
Secretaría |
María Estrella Legaz González |
Catedrática de universidade |
Complutense de Madrid |
Vogalía primeira |
Luis F. García del Moral Garrido |
Catedrático de universidade |
Granada |
Vogalía segunda |
Secundino del Valle Tascón |
Catedrático de universidade |
Valencia |
Vogalía terceira |
Charlotte Poschenrieder Wiens |
Catedrática de universidade |
Autónoma de Barcelona |
Praza: CD1202-C02-412-CD-02
(4)
Cargo |
Nome |
Corpo |
Universidade |
Comisión titular |
|||
Presidencia |
Carmen Lluch Plá |
Catedrática de universidade |
Granada |
Secretaría |
Manuel Joaquín Reigosa Roger |
Profesor titular de universidade |
Vigo |
Vogalía primeira |
Manuel Pineda Priego |
Catedrático de universidade |
Córdoba |
Vogalía segunda |
Luis González Rodríguez |
Profesor titular de universidade |
Vigo |
Vogalía terceira |
Luis F. García del Moral Garrido |
Catedrático de universidade |
Granada |
Comisión suplente |
|||
Presidencia |
Secundino del Valle Tascón |
Catedrático de universidade |
Valencia |
Secretaría |
Rosa María Cusido Vidal |
Catedrática de universidade |
Barcelona |
Vogalía primeira |
María del Carmen Begoña González Murúa |
Catedrática de universidade |
País Vasco |
Vogalía segunda |
Vanessa Martos Núñez |
Profesora titular de universidade |
Granada |
Vogalía terceira |
Charlotte Poschenrieder Wiens |
Catedrática de universidade |
Autónoma de Barcelona |
Praza: CD1202-C04-220-CD-01
(5)
Cargo |
Nome |
Corpo |
Universidade |
Comisión titular |
|||
Presidencia |
Emilio Fernández Suárez |
Catedrático de universidade |
Vigo |
Secretaría |
Emilio Marañón Sainz |
Profesor titular de universidade |
Vigo |
Vogalía primeira |
Marta Estrada Miyares |
Profesora investigador/a |
ICM-CSIC Barcelona |
Vogalía segunda |
Francisco Gómez Figueiras |
Profesor investigador |
IIM-CSIC Vigo |
Vogalía terceira |
Celia Marrasé Peña |
Investigadora científica |
ICM-CSIC Barcelona |
Comisión suplente |
|||
Presidencia |
María Consolación Fernández González |
Catedrática de universidade |
Oviedo |
Secretaría |
Mariano de la Lastra Valdor |
Profesor titular de universidade |
Vigo |
Vogalía primeira |
Isabel Reche Cañabate |
Profesora titular de universidade |
Granada |
Vogalía segunda |
José Luis Acuña Fernández |
Profesor titular de universidade |
Oviedo |
Vogalía terceira |
Fidel María Echevarría Navas |
Catedrático de universidade |
Cádiz |
Praza: CD1202-C04-220-CD-02
(6)
Cargo |
Nome |
Corpo |
Universidade |
Comisión titular |
|||
Presidencia |
Emilio Fernández Suárez |
Catedrático de universidade |
Vigo |
Secretaría |
Emilio Marañón Sainz |
Profesor titular de universidade |
Vigo |
Vogalía primeira |
Marta Estrada Miyares |
Profesora investigadora |
ICM-CSIC Barcelona |
Vogalía segunda |
Celia Marrasé Peña |
Investigadora científica |
ICM-CSIC Barcelona |
Vogalía terceira |
Fidel María Echevarría Navas |
Catedrático de universidade |
Cádiz |
Comisión suplente |
|||
Presidencia |
Carlos Manuel García Jiménez |
Catedrático de universidade |
Cádiz |
Secretaría |
Bernardino González Castro |
Profesor titular de universidade |
Vigo |
Vogalía primeira |
José Luis Acuña Fernández |
Profesor titular de universidade |
Oviedo |
Vogalía segunda |
María Consolación Fernández González |
Catedrática de universidade |
Oviedo |
Vogalía terceira |
Elisa Berdalet Andrés |
Científica titular |
ICM-CSIC Barcelona |
Praza: CD1202-C07-640-CD-01
(7)
Cargo |
Nome |
Corpo |
Universidade |
Comisión titular |
|||
Presidencia |
Jesús Simal Gándara |
Catedrático de universidade |
Vigo |
Secretaría |
Beatriz Cancho Grande |
Profesora titular de universidade |
Vigo |
Vogalía primeira |
María Cristina Yagüe Ruiz |
Profesora titular de universidade |
Zaragoza |
Vogalía segunda |
Elena Martínez Carballo |
Profesora titular de universidade |
Vigo |
Vogalía terceira |
Yolanda Picó García |
Catedrática de universidade |
Valencia |
Comisión suplente |
|||
Presidencia |
Alberto Cepeda Sáez |
Catedrático de universidade |
Santiago de Compostela |
Secretaría |
Nelson Pérez Guerra |
Profesor titular de universidade |
Vigo |
Vogalía primeira |
Lorenzo Miguel Pastrana Castro |
Catedrático de universidade |
Vigo |
Vogalía segunda |
María del Carmen Vidal Carou |
Catedrática de universidade |
Barcelona |
Vogalía terceira |
Perfecto Miguel Paseiro Losada |
Catedrático de universidade |
Santiago de Compostela |
Praza: CD1202-H09-185-CD-01
(8)
Cargo |
Nome |
Corpo |
Universidade |
Comisión titular |
|||
Presidencia |
Jesús Luis Pastor Bravo |
Catedrático de universidade |
Vigo |
Secretaría |
Ana María Soler Baena |
Contratada doutora |
Vigo |
Vogalía primeira |
Almudena María Fernández Fariña |
Contratada doutora |
Vigo |
Vogalía segunda |
Juan Martínez Moro |
Profesor titular de universidade |
Cantabria |
Vogalía terceira |
Fernando Evangelio Rodríguez |
Profesor titular de universidade |
Politécnica de Valencia |
Comisión suplente |
|||
Presidencia |
María Yolanda Herranz Pascual |
Catedrática de universidade |
Vigo |
Secretaría |
Marina Núñez Jiménez |
Profesora titular de universidade |
Vigo |
Vogalía primeira |
Antonio María Bandera Vera |
Profesor titular de universidade |
Vigo |
Vogalía segunda |
José Ramón Alcalá Mellado |
Catedrático de universidade |
Castilla-La Mancha |
Vogalía terceira |
Jaime González de Aledo Codina |
Profesor titular de universidade |
Complutense de Madrid |
Praza: CD1202-X06-225-CD-01
(9)
Cargo |
Nome |
Corpo |
Universidade |
Comisión titular |
|||
Presidencia |
Manuel María Varela Lafuente |
Catedrático de universidade |
Vigo |
Secretaría |
Fernando Toboso López |
Profesor titular de universidade |
Valencia |
Vogalía primeira |
Eugenio Aguiló Pérez |
Catedrático de universidade |
Les Illes Balears |
Vogalía segunda |
Beatriz González López-Valcárcel |
Catedrática de universidade |
Las Palmas de Gran Canaria |
Vogalía terceira |
José María Mella Márquez |
Catedrático de universidade |
Autónoma de Madrid |
Comisión suplente |
|||
Presidencia |
María Dolores Garza Gil |
Catedrática de universidade |
Vigo |
Secretaría |
Guillermina Martín Reyes |
Catedrática de universidade |
Málaga |
Vogalía primeira |
Josefa Olga Ogando Canabal |
Catedrática de universidade |
Valladolid |
Vogalía segunda |
Javier Bilbao Ubillos |
Profesor titular de universidade |
País Vasco |
Vogalía terceira |
Rafael Muñoz del Bustillo Llorente |
Catedrático de universidade |
Salamanca |
Praza: CD1202-X06-225-CD-02
(10)
Cargo |
Nome |
Corpo |
Universidade |
Comisión titular |
|||
Presidencia |
Manuel María Varela Lafuente |
Catedrático de universidade |
Vigo |
Secretaría |
Alberto Gago Rodríguez |
Catedrático de universidade |
Vigo |
Vogalía primeira |
Beatriz González López-Valcárcel |
Catedrática de universidade |
Las Palmas de Gran Canaria |
Vogalía segunda |
Javier Bilbao Ubillos |
Profesor titular de universidade |
País Vasco |
Vogalía terceira |
Eugenio Aguiló Pérez |
Catedrático de universidade |
Les Illes Balears |
Comisión suplente |
|||
Presidencia |
María Dolores Garza Gil |
Catedrática de universidade |
Vigo |
Secretaría |
Guillermina Martín Reyes |
Catedrática de universidade |
Málaga |
Vogalía primeira |
Rafael Muñoz del Bustillo Llorente |
Catedrático de universidade |
Salamanca |
Vogalía segunda |
José María Mella Márquez |
Catedrático de universidade |
Autónoma de Madrid |
Vogalía terceira |
Josefa Olga Ogando Canabal |
Catedrática de universidade |
Valladolid |
Praza: CD1202-X08-415-CD-01
(11)
Cargo |
Nome |
Corpo |
Universidade |
Comisión titular |
|||
Presidencia |
Jaime Alonso Carrera |
Catedrático de universidade |
Vigo |
Secretaría |
María Montero Muñoz |
Profesora titular de universidade |
Vigo |
Vogalía primeira |
Carlos Juan de Miguel Palacios |
Profesor titular de universidade |
Vigo |
Vogalía segunda |
José María Martín Moreno |
Profesor titular de universidade |
Vigo |
Vogalía terceira |
María Jesús Freire Serén |
Profesora titular de universidade |
Vigo |
Comisión suplente |
|||
Presidencia |
José Andrés Faíña Medín |
Catedrático de universidade |
A Coruña |
Secretaría |
María Consuelo Pazó Martínez |
Profesora titular de universidade |
Vigo |
Vogalía primeira |
María del Mar González Savignat |
Profesora titular de universidade |
Vigo |
Vogalía segunda |
Baltasar Manzano González |
Profesor titular de universidade |
Vigo |
Vogalía terceira |
Fidel Castro Rodríguez |
Profesor titular de universidade |
Vigo |
ANEXO IV
Currículum vitae
– Datos persoais:
Apelidos e nome.
DNI.
Data, localidade e provincia de nacemento.
Enderezo, localidade e provincia de residencia.
Teléfono e enderezo electrónico.
Categoría actual como docente, centro, departamento e área de docencia actual.
– Datos académicos:
1. Títulos académicos: clase, organismo e centro expedidor, data, cualificación se a houbese.
2. Postos docentes desempeñados: categoría, organismo ou centro, réxime de adicación, data de nomeamento ou contrato, data de cese.
3. Actividade docente desempeñada.
4. Actividade investigadora desempeñada.
5. Publicacións de libros e monografías: autoría ou coautoría/s, título, editor, editorial, data (de estar pendente de publicación, xustifíquese a aceptación polo consello editorial).
6. Traballos científicos publicados en revistas españolas ou estranxeiras autoría ou coautoría/s, título, revista, volume, páxina, data (de estar pendente de publicación, xustifíquese a aceptación polo consello editorial).
7. Outras publicacións.
8. Outros traballos de investigación.
9. Proxectos de investigación subvencionados.
10. Comunicacións e ponencias presentadas a congresos: título, organizador, carácter nacional ou internacional, lugar, data.
11. Patentes.
12. Cursos e seminarios impartidos: centro, organismo, materia, actividade desenvolta, data.
13. Cursos e seminarios recibidos: centro, organismo, materia, data.
14. Bolsas, axudas e premios recibidos (posteriores á licenciatura).
15. Actividade en empresas e profesión libre.
16. Outros méritos docentes ou de investigación.
17. Outros méritos.
18. Cargos de xestión desempeñados: cargo, centro, período.
19. Dilixencia de referendo do currículum.