Por Resolución da Alcaldía do 22 de outubro do ano 2012 apróbase inicialmente a modificación puntual do Plan parcial da actuación industrial O Espírito Santo, sita nos termos municipais de Cambre e Sada, presentada pola entidade Urbanismo del Norte, S.L.
O que se fai público para xeral coñecemento. O expediente sométese a información pública polo prazo dun mes mediante anuncio no Diario Oficial de Galicia e en dous dos xornais de maior circulación da provincia, de conformidade co establecido no artigo 86.1.a) da Lei 9/2002, de ordenación urbanística e protección do medio rural de Galicia.
Durante o citado prazo, contado a partir do día seguinte ao da publicación deste anuncio no Diario Oficial de Galicia, poderanse formular as alegacións que se consideren pertinentes. O expediente poderá ser consultado nas oficinas da Área de Urbanismo deste concello, das 9.00 ás 14.00 horas, de luns a venres.
Cambre, 5 de novembro de 2012
Manuel Rivas Caridad
Alcalde