Visto o expediente para outorgamento de autorización administrativa e aprobación do proxecto de execución da instalación eléctrica que a continuación se describe:

Solicitante: Unión Fenosa Distribución, S.A.

Domicilio social: A Batundeira, 2, 32960 Velle.

Denominación: LMT e CT P.S Muñoz Calero 0009.

Situación: Ribadavia.

Características técnicas:

LMT subterránea a 20 kV de 160 m, con condutor RHZ1, con entrada e saída no CT proxectado Muñoz Calero II, de 400 kVA e R/T 20.000/400-230 V e con orixe na LMT ao CT estrada de Vigo e remate na LMT ao CT Muñoz Calero.

Orzamento: 28.737,96 euros.

Cumpridos os trámites ordenados na Lei 54/1997, do 27 de novembro, do sector eléctrico e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:

Autorizar e aprobar o proxecto de execución da devandita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.

Contra a presente resolución poderase interpoñer recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén se poderá interpoñer calquera outro recurso que se coide pertinente a dereito.

Ourense, 22 de outubro de 2012

Gabriel Diéguez Domínguez
Xefe territorial de Ourense