Visto o expediente para outorgamento de autorización administrativa e aprobación do proxecto de execución da instalación eléctrica que a seguir se cita:

Solicitante: BEGASA.

Domicilio social: r/ Cidade de Viveiro, 4, 1º, 27002 Lugo.

Denominación: adecuación do CTC 06226 Vila do Medio e RBTS para subministración eléctrica na avda. da Mariña, 12.

Situación: concello de Burela.

Características técnicas: adecuación do CT existente CTC 06226 Vila do Medio en local non prefabricado, consistente no cambio de máquina actual 400 kVA por unha nova de 630 kVA, e na instalación dun módulo de ampliación do cadro de baixa tensión.

RBTS con orixe no cadro de baixa tensión proxectado no CTC e final na CXP do edificio que se vai electrificar, cunha lonxitude de 136 metros en condutor tipo RV-150.

Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:

Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independientemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.

Contra esta resolución poderase interpor recurso de alzada ante o conselleiro de Economía e Industria no prazo dun mes, contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.

Lugo, 22 de outubro de 2012

José Manuel Vázquez Leirado
Xefe territorial de Lugo