Para xeral coñecemento, de conformidade co disposto nos artigos 72, 104 e seguintes da Lei 29/1998, do 13 de xullo, reguladora da xurisdición contencioso-administrativa, faise público que a Sección Segunda da Sala do Contencioso-Administrativo do Tribunal Superior de Xustiza de Galicia, con data do 14 de xuño de 2012, pronunciou a Sentenza 641/2012, ditada no procedemento ordinario nº 4463/2008, interposto por Fidel Doallo Rojo, e que na súa parte dispositiva literalmente di:
«Que, rexeitando a alegación de inadmisibilidade formulada, aceptamos parcialmente o recurso contencioso-administrativo interposto por Fidel Doallo Rojo, contra a Orde da CPTOPT do 16 de maio de 2008, sobre aprobación definitiva do PXOM de Vigo e, en consecuencia, anulamos en parte a Orde impugnada do 16 de maio de 2008 e, en consecuencia, coa anulación das previsións que o PXOM de Vigo inclúe respecto ao sector S-03-R (troncal), debéndolle recoñecer á parcela do demandante, sita na rúa Cantabria 111, a clasificación de solo urbano consolidado; co rexeitamento das restantes pretensións; sen facer condena especial nas custas.
Esta sentenza é susceptible do recurso ordinario de casación do artigo 86 da LXCA de 1998, que se deberá preparar mediante a presentación de escrito no prazo de dez días.
Unha vez sexa firme esta, devólvanse os autos orixinais ao xulgado de procedencia, xunto coa certificación e comunicación.
Así o pronunciamos, mandamos e asinamos».
A citada sentenza foi declarada firme.
Santiago de Compostela, 24 de outubro de 2012
María Encarnación Rivas Díaz
Secretaria xeral de Ordenación do Territorio e Urbanismo