María Anita Carreira Rodríguez solicitou licenza de actividade para a instalación dunha explotación de gando vacún de engorda mediante aproveitamento do solo, no lugar do Pazo, parroquia de Pousada (expediente 12/925).

De conformidade co establecido no artigo 8.3 do Decreto 133/2008, do 12 de xuño, no que se regula a avaliación de incidencia ambiental, sométese a información pública polo período de vinte días hábiles, que comezará a contar desde o día seguinte ao da inserción deste edicto no Boletín Oficial da provincia e no Diario Oficial de Galicia.

Durante este tempo, as persoas que dalgún xeito se consideren afectadas pola actividade que se pretende instalar, poderán examinar o expediente no Departamento de Urbanismo deste Concello, e formular por escrito as reclamacións ou observacións que estimen oportunas.

Boqueixón, 17 de outubro de 2012

Jesús Sanjuás Mera
Alcalde