O Xurado Provincial de Clasificación de Montes Veciñais en Man Común de Ourense, na sesión celebrada no día 10 de outubro de 2012, en relación coa avinza atinxida entre as comunidades de montes veciñais en man común Pedra de Nostre (pertencente a Rubiais) e Entrudio, (pertencente a Paradela), no concello de Viana do Bolo (Ourense), examinada a documentación presentada e co informe favorable do Servizo de Montes, resolveu aceptar o acordo acadado previamente polas respectivas comunidades, e ordenar a súa publicación no Diario Oficial de Galicia, para os efectos do disposto na disposición transitoria décimo cuarta da Lei 7/2012, do 28 de xuño, de montes de Galicia.
Contra esta resolución, que non pon fin á vía administrativa, poderase interpoñer recurso potestativo de reposición perante o Xurado Provincial de Clasificación de Montes Veciñais en Man Común de Ourense no prazo dun mes, ou ben, directamente, recurso contencioso-administrativo perante o Xulgado do Contencioso-Administrativo de Ourense, no prazo de dous meses contados desde o día seguinte ao desta resolución, segundo o disposto na Lei 30/1992, do 26 de novembro, de réxime xurídico das administracións públicas e do procedemento administrativo común, así como, na Lei 29/1998, do 13 de xullo, reguladora da xurisdición contencioso-administrativa.
Ourense, 24 de outubro de 2012
Ricardo Ignacio Vecillas Rojo
Presidente do Xurado de Clasificación de Montes Veciñais
en Man Común de Ourense