Intentada a notificación persoal e devolta polo servizo de Correos ao resultar imposible a súa práctica, de conformidade co establecido no artigo 59.4 da Lei 30/1992, do 26 de novembro, de réxime xurídico das administracións públicas e do procedemento administrativo común (LRX-PAC), pola presente resolución ponse en coñecemento da empresa Canteras de Vilanova, S.L., titular do expediente LU/0300/P05, relativo a axudas de incentivos económicos rexionais (Orde ministerial do 14 de novembro de 2006) que con data do 28 de xuño de 2012, a Dirección Xeral de Fondos Comunitarios do Ministerio de Facenda e Administracións Públicas, resolveu considerar que o interesado desistiu da súa petición de cobramento da subvención concedida e proceder ao arquivo do expediente de pagamento iniciado.

Os actos obxecto do presente anuncio non se publican na súa integridade en virtude da cautela prevista no artigo 61 da LRX-PAC. A resolución de arquivo esgota a vía administrativa e, contra ela, poderá interpoñer recurso de alzada ante o ministro de Facenda e Administracións Públicas no prazo máximo dun mes desde o día seguinte ao da publicación desta resolución no Diario Oficial de Galicia. O expediente ponse de manifesto á entidade neste centro directivo sito en Santiago de Compostela, Complexo Administrativo San Lázaro, s/n.

Santiago de Compostela, 23 de outubro de 2012

Javier Aguilera Navarro
Director xeral do Instituto Galego de Promoción Económica