Con motivo da ausencia do presidente da Xunta de Galicia, por mor dunha viaxe a América, cómpre prover a súa substitución durante o tempo de duración desta.

Polo tanto, en uso das atribucións que me confire o artigo 26.7 da Lei 1/1983, do 22 de febreiro, reguladora da Xunta e da súa Presidencia,

DISPOÑO:

Artigo único

Durante a ausencia do presidente da Xunta de Galicia, con motivo da súa viaxe a América, encárgaselle o despacho de asuntos da Presidencia, ata o seu regreso, ao conselleiro de Presidencia, Administracións Públicas e Xustiza.

Santiago de Compostela, dous de novembro de dous mil doce

Alberto Núñez Feijóo
Presidente