Fidel Miramontes García solicitou desta alcaldía licenza municipal para instalación de planta de tratamento de lodos en Costa Redonda, Xaviña (Coristanco).

En cumprimento do preceptuado no artigo 8.3 do Decreto 133/2008, do 12 de xuño, de avaliación de incidencia ambiental, en relación co artigo 86 da Lei 30/1992, de réxime xurídico das administracións públicas e do procedemento administrativo común, ábrese un período de información pública por un prazo de vinte días, contados a partir do seguinte ao da inserción do anuncio no Diario Oficial de Galicia e no Boletín Oficial da provincia, para que os que se consideren afectados dalgunha maneira pola actividade que se pretende establecer poidan facer as observacións pertinentes.

O expediente encóntrase na Secretaría deste concello e pode consultarse en horas de oficina.

Coristanco, 4 de outubro de 2012

Antonio Pensado Plágaro
Alcalde