Aprobado inicialmente o Plan especial de dotacións (equipamentos privados de uso asistencial) nas inmediacións da Lavandeira, tramitado por instancia de Antonio Torres Rodríguez e Amparo González Guerra, por acordo da Xunta de Goberno local do 25 de setembro de 2012, de conformidade co artigo 86.1.a) da Lei 9/2002, do 30 de decembro, de ordenación urbanística e protección do medio rural de Galicia, sométese a información pública polo prazo dun mes, contado desde a última publicación no Diario Oficial de Galicia.

Durante o devandito prazo poderá ser examinado por calquera interesado nas dependencias municipais, para que se formulen as alegacións que se consideren pertinentes.

Quedan suspendidas as licenzas naqueles ámbitos do territorio cuxas novas determinacións supoñan modificación da ordenación urbanística vixente.

Coles, 2 de outubro de 2012

Manuel Rodríguez Vázquez
Alcalde