De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles aos titulares dos establecementos que se relacionan no anexo que se achega a resolución dos expedientes sancionadores por infracción da Lei orgánica 1/1992, do 21 de febreiro, de protección da seguridade cidadá, por non ser posible a súa notificación por correo certificado.
O importe da sanción farase efectivo na conta restrinxida de recadación de multas e sancións en Novagalicia Banco recadación Xunta modelo XTAX, ou na conta contable 840 código 001 de Novagalicia Banco, no prazo de quince días hábiles contados a partir do día seguinte a que esta resolución sexa executiva. Para efectuar o ingreso deberán empregar os impresos normalizados que lles serán facilitados na oficina desta xefatura territorial, sita na avda. Habana nº 79, 2º, Ourense.
Transcorrido o citado prazo cobraranse pola vía administrativa de constrinximento, de conformidade co establecido na disposición 2ª da Orde da Consellería de Economía e Facenda do 23 de novembro de 2001 (DOG do 5 de decembro).
Non obstante o anterior, e de conformidade co disposto no artigo 114 e concordantes da Lei 30/1992, do 26 de novembro, modificada pola Lei 4/1999, do 13 de xaneiro, contra esta resolución, que non esgota a vía administrativa, cabe formular recurso de alzada ante o conselleiro de Presidencia, Administracións Públicas e Xustiza, no prazo dun mes contado a partir do día seguinte ao da publicación desta notificación.
Transcorrido o prazo de interposición do recurso sen que este se presente, esta resolución será firme para todos os efectos regulamentarios.
Ourense, 10 de outubro de 2012
Luis Juan Ortiz Álvarez
Xefe territorial de Ourense
ANEXO
Número de expediente: OU-E-179/12.
Denunciado: Tomate Outra Solutions, S.L.
NIF: B-32402927.
Establecemento: Tomate Outra.
Enderezo: rúa Peña Trevinca nº 4, Xinzo de Limia (Ourense).
Precepto infrinxido: artigo 26.e) da Lei 1/1992, do 21 de febreiro, na nova redacción dada pola LO 4/1997, do 4 de agosto.
Sanción: 120 euros.
Número de expediente: OU-E-190/12.
Denunciado: Manuel González López.
NIF: 76714116-P.
Establecemento: O Curruncho.
Enderezo: rúa Perfectino Viéitez nº 7 B, O Carballiño (Ourense).
Precepto infrinxido: artigo 26.e) da Lei 1/1992, do 21 de febreiro, na nova redacción dada pola LO 4/1997, do 4 de agosto.
Sanción: 300 euros.
