Aprobado mediante resolución da Alcaldía do 3 de outubro de 2012 o prego de cláusulas administrativas particulares e prescricións técnicas que rexerán na licitación, mediante procedemento aberto suxeito a regulación harmonizada, para contratar a subministración e instalación de pavimento de céspede artificial e dos elementos de equipamento en dous campos de fútbol na área deportiva de Santa Mariña, dentro do proxecto Marisma Máis promovido polo Concello de Redondela e aprobado no marco da convocatoria para o período 2011-2013 do eixe 5 de desenvolvemento local e urbano e cofinanciado polo programa operativo do Fondo Europeo de Desenvolvemento Rexional da Unión Europea, faise público, para os efectos de presentación de proposicións e ofertas polos licitadores interesados, o seguinte anuncio:

1. Entidade que adxudica: organismo: Concello de Redondela. Dependencia: Servizo de Contratación.

2. Obxecto do contrato: realización da subministración e instalación de pavimento de céspede artificial e dos elementos de equipamento en dous campos de fútbol na área deportiva de Santa Mariña. Así mesmo, comprende a obriga de realizar o mantemento de acordo coas especificacións establecidas no prego de prescricións técnicas.

Lugar de execución: Redondela.

Prazo de execución: o prazo para a subministración e instalación será, como máximo, de sesenta (60) días contados a partir do seguinte á data de formalización do contrato administrativo.

3. Tramitación e procedemento.

Tramitación: ordinaria.

Procedemento: aberto. Regulación harmonizada.

4. Orzamento base de licitación: 247.883,57 €, sen IVE. Total: 299.939,12 €.

5. Garantía definitiva: 5 % do importe de adxudicación, IVE excluído.

6. Garantía complementaria: 5 % do importe de adxudicación do contrato no caso de que o adxudicatario presentase unha oferta con valores anormais ou desproporcionados.

7. Obtención da documentación e información: Oficina de Contratación do Concello de Redondela, planta baixa da Casa do Concello. Rúa Alfonso XII, nº 2, Redondela. Teléfono: 986 40 03 00. Fax: 986 40 38 94. Correo electrónico: contratacion@redondela.es

Data límite para solicitar documentación: ata o día de finalización do prazo de presentación de proposicións.

8. Requisitos específicos do contratista: clasificación: non.

Deberá acreditarse a solvencia económica, financeira e técnica na forma prevista na cláusula 10ª do prego de cláusulas administrativas particulares.

9. Presentación de ofertas: prazo: 47 días naturais contados a partir do envío do presente anuncio ao Diario Oficial de la Unión Europea. Se o último día do prazo coincidise en sábado ou día inhábil, o prazo entenderase prorrogado ata o seguinte día hábil.

Documentación: a exixida na cláusula 14ª do prego de cláusulas administrativas particulares.

Lugar de presentación: Rexistro Xeral do Concello de Redondela ou por correo na forma legalmente determinada ao enderezo rúa Alfonso XII, nº 2, 36800 Redondela, ata as 14.00 horas do último día de prazo. Cando a documentación sexa enviada por correo, o empresario deberá xustificar a data de imposición do envío na oficina de Correos e anunciar ao órgano de contratación a remisión da oferta mediante télex, fax (986 40 38 94) ou telegrama no mesmo día.

10. Apertura de ofertas.

Data e hora: 14.00 horas do terceiro día hábil (non sábado) seguinte ao do remate do prazo de presentación.

11. Criterios de valoración das ofertas: os recollidos na cláusula 16ª do prego de cláusulas administrativas particulares.

12. Gastos de anuncios: por conta do adxudicatario ata un máximo de 2.000,00 €.

13. Data de envío ao Diario Oficial de la Unión Europea: 3 de outubro de 2012.

14. Páxina web para obtención de información: www.redondela.es

Redondela, 3 de outubro de 2012

Javier Bas Corugeira
Alcalde