A sociedade mercantil Cárnicas Hrs. Pena, S.L., con CIF número B15532096, con domicilio na Picota, número 14, concello de Mazaricos, solicita licenza de obra e actividade para unha nave industrial destinada a sala de despezamento e elaborados cárnicos no parque empresarial de Muros, no quinteiro 5, parcela 9 (expediente 124/12), de acordo co proxecto do enxeñeiro agrónomo Julio Rosales Arosa.
De acordo co artigo 8.3 do Decreto 133/2008, do 12 de xuño, polo que se regula a avaliación de incidencia ambiental, sométese a información pública por período de vinte días hábiles –que comezará a contarse desde o día seguinte ao da última inserción do presente edicto no Boletín Oficial da provincia ou no Diario Oficial de Galicia– coa finalidade de que durante este tempo poidan examinar o expediente, na Secretaría deste concello, as persoas que dalgún xeito se consideren afectadas pola actividade que se pretende instalar e formular por escrito as reclamacións ou observacións que consideren oportunas.
Muros, 3 de setembro de 2012
Caridad González Cerviño
Alcaldesa