Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición da autorización administrativa da instalación eléctrica que se cita:

Solicitante: Unión Fenosa Distribución, S.A.

Domicilio social: avenida de Arteixo, 171, 15007 A Coruña.

Denominación: LMTS e CT rúa Armuño, nº 27.

Situación: concello de Sada.

Características técnicas: liña eléctrica de media tensión subterránea a CT rúa Armuño, nº 27, a 20 kV, cunha lonxitude de 0,101 km, coa orixe en empalmes proxectados na LMTS PED-704, tramo entre o CT Costa de Ouces (expediente 346/06) e o CT Posse, 15 (expediente 33/01), condutor tipo RHZ1-2 OL-12/20 kV, 3 (1×240 Al), e final en cela de liña existente no CT Posse, 15 (expediente 33/01), realizando entrada e saída no CT rúa Armuño, nº 27 proxectado. Centro de transformación non prefabricado de 400 kVA e relación de transformación de 15.000/400-230 V.

Todas aquelas persoas ou entidades que se consideren afectadas poderán examinar o expediente e presentar as súas alegacións nesta xefatura territorial, situada no Edificio Administrativo de Monelos, rúa Vicente Ferrer, 2, 2º andar, 15071 A Coruña, no prazo de vinte días a partir da última publicación.

A Coruña, 25 de setembro de 2012

Susana Vázquez Romero
Xefa territorial da Coruña