Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización das instalacións eléctricas que se describen:
Solicitante: Unión Fenosa Distribución, S.A.
Domicilio social: travesía de Vigo, 204, 36207 Vigo.
Denominación: LMT, CT Porto do Molle.
Situación: Nigrán.
Características técnicas: LMT subterránea a 20 kV con condutor tipo RHZ de 204 metros de lonxitude, con orixe e final no punto de acceso existente fronte ao CT Porto do Molle nº 5, unha vez entre e saia do novo CT proxectado Porto do Molle. Centro de transformación de 630 kVA, RT 20 kV/400-230 V, situado no polígono industrial Porto do Molle, Nigrán.
Todas aquelas persoas ou entidades que se consideren afectadas poderán presentar as súas alegacións nesta xefatura territorial, edificio administrativo, avda. Fernández Ladreda, 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.
Pontevedra, 10 de outubro de 2012
Ignacio Rial Santomé
Xefe territorial de Pontevedra