Marina Magán Montenegro, actuando en representación de Quintaglass, S.L., solicitou nesta Alcaldía licenza municipal de actividade de produción, primeira transformación e comercialización de perfís de aluminio, que se exercerá en nave industrial sita no polígono da Picaraña. En cumprimento do disposto polo artigo 8.3 do Decreto 133/2008, do 12 de xuño, polo que se regula a avaliación de incidencia ambiental, sométese o expediente a información pública por un período de vinte días hábiles, co fin de que durante este –que comezará a contarse desde o día seguinte ao da inserción do presente edicto no Boletín Oficial da provincia e no Diario Oficial de Galicia– poidan examinar o expediente, no Departamento de Urbanismo deste concello, das 9.00 ás 14.00 horas, as persoas que dalgún xeito se consideren afectadas pola actividade que se pretende instalar e formular por escrito as reclamacións ou observacións que xulguen oportunas.

Padrón, 21 de xuño de 2012

Antonio Fernández Angueira
Alcalde