Mediante Orde do 7 de setembro de 2012, publicada no Diario Oficial de Galicia núm. 174, do 12 de setembro, convocouse a provisión, polo sistema de libre designación, de varios postos de traballo vacantes na Consellería de Presidencia, Administracións Públicas e Xustiza.
De conformidade co establecido nos artigos 17.4 e 29.2 do Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia, e no Decreto 93/1991, do 20 de marzo, polo que se aproba o Regulamento de provisión de postos de traballo, promoción profesional e promoción interna, e demais normativa vixente,
DISPOÑO:
Primeiro. Resolver a convocatoria pública efectuada pola Orde do 7 de setembro de 2012 e designar os/as funcionarios/as cuxos datos se sinalan no anexo desta orde para ocupar os postos que tamén se especifican.
Segundo. O cesamento no actual destino efectuarase, segundo o previsto no artigo 14 do Decreto 93/1991, do 20 de marzo, no prazo de tres días contados a partir do seguinte ao da publicación no Diario Oficial de Galicia.
O prazo para a toma de posesión do novo destino será de tres días a partir do seguinte ao do cesamento, de tratarse da mesma localidade onde actualmente o/a funcionario/a presta servizos, ou dun mes se radica en distinta localidade ou comporta o reingreso ao servizo activo, de conformidade co disposto no referido precepto e na base sétima da convocatoria.
Terceiro. A xefatura do centro en que cause baixa o/a funcionario/a, así como a daquel en que obteña praza, consignará no título administrativo, dentro do prazo sinalado no punto anterior, as correspondentes dilixencias de cesamento e toma de posesión, que serán trasladadas mediante copia á Dirección Xeral da Función Pública.
Cuarto. Contra esta orde, que esgota a vía administrativa, as persoas interesadas poderán interpoñer recurso potestativo de reposición perante este mesmo órgano, no prazo dun mes contado desde o día seguinte ao da súa publicación, de conformidade co establecido na Lei 30/1992, do 26 de novembro, de réxime xurídico das administracións públicas e do procedemento administrativo común, segundo a redacción dada pola Lei 4/1999, do 13 de xaneiro, ou poderán impugnala directamente ante o xulgado do contencioso-administrativo competente no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 15 de outubro de 2012
Alfonso Rueda Valenzuela
Conselleiro de Presidencia, Administracións Públicas e Xustiza
ANEXO
Apelidos e nome: Carballo Martínez, Mª Ángeles.
NRP: 32.633.502.68 A2060.
Subgrupo: A1.
Posto de traballo: analista de Xestión do Rendemento e Calidade.
Código do posto: PR.C08.00.000.15770.041.
Nivel: 28.
Complemento específico: 15.981,84.
Centro directivo: Dirección Xeral de Avaliación e Reforma Administrativa.
Localidade: Santiago de Compostela.
Apelidos e nome: Gómez Santos, Mª Francisca.
NRP: 52.451.725.46 A2051.
Subgrupo: A2.
Posto de traballo: analista de Xestión do Rendemento e Calidade.
Código do posto: PR.C08.00.000.15770.042.
Nivel: 28.
Complemento específico: 15.981,84.
Centro directivo: Dirección Xeral de Avaliación e Reforma Administrativa.
Localidade: Santiago de Compostela.
Apelidos e nome: Martínez Carro, José Antonio.
NRP: 33.240.814.57 A2060.
Subgrupo: A1.
Posto de traballo: analista de Xestión do Rendemento e Calidade.
Código do posto: PR.C08.00.000.15770.044.
Nivel: 28.
Complemento específico: 15.981,84.
Centro directivo: Dirección Xeral de Avaliación e Reforma Administrativa.
Localidade: Santiago de Compostela.
