O Pleno da Corporación Municipal, na sesión ordinaria do 28 de xuño de 2012, aprobou inicialmente a addenda nº 8 ao inventario de camiños mediante acordo que ten o seguinte contido literal:
«1º Aprobar inicialmente a addenda ao inventario de camiños co seguinte contido:
– Ampliación do trazado do camiño denominado co número 022, presentado por Isolina Carmen Pérez Rodríguez.
– Inclusión no inventario do camiño denominado co número 3511, presentado por Carmen Leiras Grandal.
– Inclusión no inventario do camiño denominado co número 6182, presentado por María Ángeles Hermida Penerbosa.
– Inclusión no inventario do camiño denominado co número 6183, presentado por María Ángeles Hermida Penerbosa.
2º Inscribir no rexistro da propiedade a presente modificación do inventario municipal de bens inmobles».
O que se fai público para o xeral coñecemento para que os interesados presenten as alegacións, reclamacións e suxestións que coiden convenientes no prazo de 30 días, en cumprimento do estipulado pola lexislación vixente.
O Porriño, 10 de setembro de 2012
Marcelino Coto Troncoso
Concelleiro delegado