A Xunta de Goberno Local do Concello de Vigo, na sesión ordinaria do 27 de xullo de 2012, adoptou o seguinte acordo:
Primeiro. Aprobar inicialmente o Plan especial de reforma interior da APR A-5-31 Poulo, de iniciativa municipal, consonte a documentación elaborada por Marta Vilas Rodríguez, datada en xullo de 2012.
Segundo. Ordenar a apertura dun período de información pública polo prazo dun mes mediante a inserción de anuncios no Diario Oficial de Galicia e en dous dos xornais de maior difusión da provincia, e notificar de forma individual e simultánea aos propietarios dos terreos afectados.
Durante o mesmo prazo solicitaranse das administracións públicas competentes os informes sectoriais que resulten preceptivos.
Terceiro. Publicar o acordo de aprobación inicial e a apertura do período de información pública na páxina da internet municipal, así como os documentos integrantes do Plan especial de reforma interior da APR A-5-31 Poulo.
Vigo, 11 de setembro de 2012
P.D. (Resolución do 13.7.2012)
Carlos López Font
Vicepresidente da Xerencia Municipal de Urbanismo